Kurup masi 24 tylli ki BSF na Tuka ha East Khasi Hills District ba mut phah sha Bangladesh

Shillong, Jylliew 05: Ki shipai BSF wat ha pdeng ka jingpynptekhing ia ka jong ban khang ia ki kam khaii be ain ha khappud ki dang shem jingeh ban khlang lad ia ka jingiaq khaii beain ia ki masi sha Bangladesh.

Ha ka jingap ktem ki shipai BSF kiba don ha Tuka kaba hap hapoh jong ka East Khasi Hills District ha ka saw tarik mynta u bnai kila iohi ia ki briew kiba beh ia ki masi ba mut ban pynrung sha Bangladesh na ka liang jong ki BSF kila khang kdong bad ki la ioh ban kurup haduh 24 tylli ki masi.

Kum kane ka jingkurup masi ki BSF kila kurup ruh na Muktapur jong ka West Jiantia Hills, Kuliang East Jaintia Hills, na Umsyiem bad na Pyrdiwah ruh kum juh kaba hap ha East Khasi Hills. Namar kala jan ka jingleh nima Eid-Ul-Fiter ha Bangladesh ka jingdawa ia ka doh masi ka long kaba jur bha ong ki BSF.

Ha ka juh ka por ki BSF kila pynpaw ia ka jingeh kaba ki ia kynduh namar bun na ki jaka ki long kiba khlem pat ker ksainar shiah bad ki jaka ki long khlaw bad kane kala buh ia ki BSF ha ka jingeh ban ia khun ia ki nongkhaii beain namar ka jylla Meghalaya ka don 444 KM ka khappud bad ka Bangladesh.

What Next?

Recent Articles

Leave a Reply

Submit Comment

*