Shillong, Jymmang 10: Ka jingtrei shitom jong ki shipai BSF ha kine ki sngi kiba la dep kala pynduna ia ka jingkhaii tuh ia ki masi na kane ka jylla Meghalaya sha Bangladesh namar ka jingioh kurup jong ki shipai kiba don ha khappud na ka por sha ka por.
Hynrei ha kine ki ar sngi kata 9 bad 10 tarik mynta ka sngi, ki BSF kila ioh ban kurup haduh 158 tylli ki masi na Muktapur ha Jaintia Hils, bad 67 tylli ki masi na Tuka, Lyngkhat bad Shella ha Khasi Hills baroh ki masi kiba la ioh kurup 255 tylli ha ka 9 tarik bad ha ka 10 tarik mynta ka sngi kila ioh ban kurup 95 tylli mynta ka sngi baroh kila poi sha ka 350 tylli ha kine ki ar sngi.
Ki BSF ki la ong ba kane ka jingshim kabu jong nongkhaii tuh ia ki masi sha Bangladesh ka long na ki jaka ba khlem pat ker ksainar shiah bad ka jingdawa masi sha Bangladesh mynta ka long kaba jur bha bad ka dor ruh kaba rem namar kala poi kane ka jinglehniam jong ki ha kaba ki don kam bha ia ki masi.
Ha pdeng ki jingeh kiba bun na ka liang jong ki BSF kila trei shitom ban peit ba ki nongkhaii beain kim dei ban ioh lad ha khappud bad ka Bangladesh, ka jingpahara ha khappud ki la dang pynkhlain shuh shuh na ka liang jong ki shipai BSF.
