Shillong, Nohprah 02: Ki shipai BSF kiba don ha khappud bad ka Bangladesh ha kane ka jylla Meghalaya kila trei shitom ban khanglad ia ki kam khaii tuh ha khappud bad ka jingioh kem ia ki nongkhaii masi na ka por sha ka por kala pynlong ia ki BSF ba kin dang pynkhlain shuh shuh ia ka jingpahara ha khappud bad ka Bangladesh.
Ki shipai BSF kiba la buh ha Iew thymmai harum jong ka Pynursla ki juh kem ia ki nongkhaii masi na kane ka jaka. Mynta ka sngi ruh ki shipai BSF kila ioh ban kem haduh 26 tylli ki masi na kane ka jaka katba ki nongniah ki tang thmu ban pynrung sha Bangladesh.
Ka jingkhaii masi kala dang jur na ki thain Laijury kaba hap hapoh jong ka East Jiantia Hills District, nalor ka jingiakhaii ia ki masi don bun sa kiwei kiwei ruh ki kam khaii beain ia kaba ki BSF kila peitngor bha ha khappud. Mynta u snem kila ioh ban kurup haduh 10,169 tylli ki masi.