Shillong, Risaw 16: Ki shipai BSF kiba don ha BOP Umsyiem kaba hap ha East Khasi Hills District kila ujor ba ha ka por shiteng synia jong ka 14/10/2021 kila ioh ia ki briew kiba iaid ha khappud bad ka Bangladesh ha kaba kila ai dak ba kin sangeh.
Kitei ki briew kiba ym lah ban tip haba ioh ba ki shipai BSF ki kthong iaki kila phet krad na katei ka jaka bad kila laitphet, hynrei na katei ka jaka ki shipai BSF kila lap 7 tylli ki masi kiba la ieh ha katei ka jaka.
Ha kawei pat ka jingjia ki shipai BSF kiba don ha Kalaicharpara jong ka South West Garo Hills District ha dien ba kila ioh ia ka jingtip kba thikna kila pynlong ia ka jingkhynra lang ia ka Kalaicharpara bad ha kane ka jingkhynra kila ioh ban kurup 380 tylli ki Yaba Tablets bad kine ki shong dor haduh T. 1.90 lakh.
