Kurup pisa ka tnad Income Tax ar klur na syntax buh um, kurup bun ki kot ki sla

New Delhi, Nailar 11: Ka tnad Income Tax ba dei peit ia ka dong shatei lam mih ngi jong ka Ri India kala pynlong ia ka jingtohkit pyrshah ia ki katto katne ki nongkhaii jong ka jylla Meghalaya kiba la suba ba don ka jingia khaii benami ha kaba buh ia ki petrol pump ha kane ka jylla Meghalaya.

Na ka liang jong ka Income Tax kam shym la pynmih ia ki kyrteng jong ki briew kiba don kti ha kane ka kam, hynrei kine ki briew kila pynlong ia ka jylla Meghalaya ba kan duh ia ka khajana da kaba pynddon kam bakla ia ka kyndon 10(26)  jong ka Income Tax Act, 1961 kaba dei na ka bynta ki riewlum.

Ka tnad income tax ha ka 2 tarik mynta u bnai dang step kala leit ban khynra bad kane ka jingkhynra kala neh haduh mynstep bad ha kane ka jingkhynra kila ioh ban kurup ia ka pisa haduh T. 2 klur tyngka ia kaba la buhrieh ha syntax um, na ka liang jong ka ophis kala ioh kurup ruh shibun ki kot ki sla kiba ia dei bad kane kam.

Kane ka jingiakhaii beain ka dei kaba la leh da ki briew kiba la pyndon kam bakla ia ki riewlum kiba dei ki nongshong shnong jong ka jylla Meghalaya ban lait na ka jingsiew ia ka Income Tax. Shuwa ban leh ia kane ka tnad Income Tax kala budien la kumba shisnem ei ei bad haba kala thina ka sa pynlong ia ka jingkhynra.

Ha dienb a la paw pyrthei ba ka don ka jingiakhaii benami ha kaba ia dei bad ka jingpyniaid ia ki petrol pump na ka liang jong ka executive Committee jong ka Khasi Hills Autonomous District Council ba dei peit ia ka trade ha ka 8 tarik mynta u bnai kala pynbna lungba ki lad pathai khubor ba kan leh ei ei ban khanglad ia kane ka jingiakhaii benami.

Na ka liang jong ka EC hapoh jong ka KHADC kila kren ba wat hapdeng ka jingdon kane ka ain ban khanglad ia ka jingia khaii benami, hynrei ki don ki riewlum kiba ia suh buid bad ki byndei riewlum ban leh ia kane ka kam. Ka KHADC ka dei ka bor ban peit ia ka khaii peteng ha kiba bun ki liang ha Meghalaya.

Ia kane ka jingleh jong ka tnad Income Tax la ioh ia ka jingiaroh na ki paidbah bad kum juh na ki bor ba dei peit bad kane ka long ka sinjam ban khanglad ia ka khaii beain bad kan long ruh kum ka lad ban pynkiew ia ka jingioh khajna jong ka sorkar jylla.

 

What Next?

Recent Articles

Leave a Reply

Submit Comment

*