Shillong, Kyllalyngkot 21: U Chief Electoral Officer ka jylla Meghalaya u bah FR Kharkongor mynta ka sngi u la pyntip ba ki pulit kiba dei ha Umkiang kila ioh ban kurup pisa lai sien bad kala kot sha shiphew lan tyngka, ia ka pisa la kurup da ki pulit ha ka jingdon lang ki magistrate.
La iathuh ba ka pisa kaba la ioh ban kurup nyngkong ka long T.1.85 lak tyngka ha ka, ha ka sien kaba ar la ioh ban kurup T.2.875 lak tyngka bad T.6 lak tyngka, ia kane ka pisa la ioh ban kurup ha ka juh ka sngi 21/1/2023.
Katkum ka jingpyntip na ka ophis jong ka pisa baroh kaba la ioh ban kurup ha kitei ki lai sien ha ka juh ka sngi kala kot sha ka T.10.72 lak tyngka kane ka jingioh kurup pisa ka long na Umkiang ba hap hapoh jongka 6-Saipung-Sutnga Assembly Constituency.
Na ka liang jong ka tnad elekshon kala dep ban buh dak ha ki 34 tylli ki konstitwensi kiba lah ban jur ka jingpyndon kam ia ka pisa ha kane ka elekshon kaba bad naka liang ka tnad elekshon ruh kala dang pynjur ia ka khynra ia ki kali namar la mana bay m bit ban rah pisa palat iaka 50000 tyngka.
