Maligaon, Nailur 27: Ki pulit jong ka Railway Protection Force kiba don ha Alipurduwar Railway Station ha New Coochbehar hapoh ka jingialam jong u inspector B N Bhowmick kila shem ba ki don hynriew tylli ki song kiba don ha jan ka kamra phah tiar.
Kaba pynlyngoh ka long ba ym don briew ba ap ia kine ki tiar, haba iohi ia kane ki la leit ban peit bad haba la plied ia kine ki synduk la shem ba ki don ki tiar kiba wan na ri China kum ki battery mobile 820 tylli , ki LCD 640 tylli. Na ka liang jong ki RPF kila kurup ia ki bad aiti ia ki sha ki Customs.
La kdew hangne ba ki pulit RPF jong ka N.F Railway kila ioh ban register ejahar haduh mynta 655 tylli kum kine ki jait bad la ioh ban kem ruh haduh 185 ngut ki briew kiba don kti ha kum kine ki kam bad ka dor jong ki tiar baroh kiba la ioh ban kurup kila kot sha ka T.17,93,72,180/- haduh mynta.
