Shillong, Risaw 17: Mynta ka sngi katba ki pulit ki dang talsi ia ki kali kiba wan na Assam la ioh ban kurup haduh 45 song ki tiar pynbthei na ka Bus kaba don ia u number AS-24C-2829 kaba wan na Karimganj ban leit sha Guwahati jong ka jylla Assam.
Kine ki tiar pynbethei ia kiba la tip kum ki Gelatin Stick kiba la ioh ban kurup mynta ka sngi kila kot sha ka 112.5 kilo, 5900 tylli ki detonators bad 133 meters u ksai detonating Cord ia kine la lap na ki hynriew tylli ki pla kiba don hapoh kali.
Kine kine ki pla ki dei jong ki ar ngut ki briew kiba don hapoh kane ka bus. Na ka liang jong ki pulit kila register ia kane ka ejahar hapoh Lum Shnong Police Station ha poh ki kyndon jong ka ain, ka jingthohkit kala sdang ha kaba ia dei bad kane ka jingioh kurup mynta ka sngi.
Ha ka jingkylli jong ki pulit kine ki ar ngut ia kaba ki pulit kim pat kwah ban pynpaw kyrteng kila ong ba ia kine ki tiar pynbethei ki mut ban rah sha Karbi- Anglong District ha Assam.
