Kut jingmut ka sorkar pdeng ban pynduh jaid ia ka jingpang AIDS ha u snem 2030

World Aids DayShillong, Nohprah 01: Ka Ri India baroh kawei, kum juh ka jylla Meghalaya mynta ka sngi kala rakhe ia ka sngi “World Aids DaY”. Na ka liang jong ka sorkar pdeng kala kut jingmut ban ia leh pyrshah ban pynduh pyndam ia kane ka jingpang na kane ka Ri hapoh jong u snem 2030.

Ka Anupriya Patel, myntri khynnah ka kot ka khiah jong ka sorkar pdeng kala pynbna ia kane ka rai jong ka sorkar pdeng ha ka jingialang ban rakhe ia kane ka sngi World AIDS Day, 2017 ia kaba la pynlong da ka National AIDS Control Organisation (NACO). Ha kane ka sngi kala pynlait paidbah ruh ia ka mat trei kam ban ia leh pyrshah ia kane ka jingpang Aids kaba la tip kum ka “SAMPARK”, ban wad ia ktio kiba don ia kane ka jingpang ban ialam ia ki sha ka ki jaka ai jingsumar kiba la tip kum ki  ART.

Ha kane ka nongbah Shillong ha kane ka sngi ka Martin Luther Christian University da ka jingiatreilang bad ka Meghalaya AIDS Control Society (MACS) kila pynlong ia ka jingrakhe ia kane ka sngi da kaba pyndeng ia u ribbon rong saw bad sam ruh ia ki kot lyngkdop kiba batai kumno ban iada ia kane ka jingpang.

Ka Red Ribbon Club jong kane ka skul bah ha kane ka taiew kala pynlong shibun ki jingiakop, kum ka jingiakop thoh ease, ka jingiakop dro dur bad ia ki nongjop la ai ruh ia ka khusnam ha kane ka sngi bad na ka liang jong ka Dr Agui Daimei kala kren shai bha ha kaba ia dei bad kane ka jingpang bad kaei kaba jia ia kiba don ia kane ka jingpang ha ka imlang sah lang.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet