Kut ka Annual Sport pynbna ban sdang noh ia ka Science stream ha Langtor HSS

Shillong, Jymmang 05: Ia ka Annual Sport Meet jong ka Langtor Higher Secondary School la pynkut noh ha ka sngi thohdieng kaba la dep 03/04/2019 jong mynta u snem ia kaba la sdang ha ka 30/03/2019.

Ha kine ki saw ngi kila don shibun ki jingialehkai ha ki bynta bapher bapher. Ha ka Match Pass ia ka nam lahduh la ioh rah da ka Yellow House na ka liang jong ki shynrang bad ka Green house kala rah ia ka nam lahduh na ka liang jong ki kynthei.

Ia ka nam lah duh na baroh ki House ha kane ka jingialeh Annual Sport meet jong ka Langtor HSS la ioh da ka Red House. Ha kane ka jingialehkai sport la jan baroh ki khynnah pule ha kane ka skul kila ia shim bynta ha ki jingialehkai bapher bapher.

U bah Boldness L Nongum principal barim jong kane ka skul u la long u kongsan ha kane ka sngi pynhap pyrda ia kane ka Annual Sport Meet jong ka skul. Ha ka jingkren jong u kum u kongsan  la ong ba u sngew kmen ban iohi ba kane ka skul kala dang kiew katba dang mih ki sngi.

Na ka liang jong u Bah Boldness u la kyntu ruh ia ki khynnah ba kumba kila pyniala ki sap ki phong ha kine ki jingialehkai, kin pyniruh ia ka jingminot ka jong ki ha ki jingpule kumba kane ka skul kala juh pynpaw ha ki snem kiba la dep bad ai kane ka dang ia beteng wat ha ki por ki ban dang wan.

U Bah Boldness ha kane ka sngi u la ai ka burom ruh ia ka managing committee jong kane ka skul kaba la shim ia ka rai ban plie noh ia ka kyrdan pule ha ka Science Stream hapoh jong kane ka skul bad kane kan iarap shibun ia ki long iing kiba duk ki bym lah ban phah pule ia ka ki khun ki kti jong ki sha bar jong ka shnong.

Ha kane ka sngi baroh ki nongkit kam jong ka managing Committee naduh u President, principal bad ki nonghikai kila ia don lang ban sakhi lang ia kane ka sngi kaba khraw jong ka skul ha kaba pynhap pyrda ia ka Annual Sport Meet.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet