Kut ka Regional Workshop halor ka PM Gati Shakti, la wan ia shim bynta na ki 8 tylli ki jylla

Guwahati, Lber 25: Ka regional workshop kaba ar sngi halor ka PM GatiShakti National Master Plan ba la pynlong da ka tnat Promotion of Industry and Internal Trade (DPIIT), hapoh ka tnat Commerce and Industry ka la kut hangne mynta ka sngi.

Phra tylli ki jylla na ka thain shateilammihngi ki la iashim bynta ha kane ka regional workshop kaba saw. Palat 140 ngut ki ophisarna ki tnat Sorkar Pdeng, Jylla /UT bad kito na ki karkhana ki la iashim bynta ha kane ka workshop.

Ha ka jingngeit ha ka jingiatreilang ka Sorkar Pdeng bad ki Sorkar Jylla, kine ki workshop ki plie lad ia ka jingpdiang kaba kham iar ia ka PM GatiShakti National Master Plan bad ka National Logistics Policy ha ki Jylla abd UT.

Kine ki workshop ki wanrah ia ka jingiadei kaba kham bha hapdeng ki kam shna bad ka jingkloi ban treikam ha kito kiba don kti ha kane kaba wanrah ia ka jingioh jinghikai lang ha ki Jylla / UT bad ki tnat Sorkar Pdeng.

Ka Regional Workshop kaba nyngkongna ka bynta ka Central bad Western Zone ka dei kaba la pynlong ha ka 20 tarik u Rymphang 2023 ha Goa. Ka regional workshop kaba ar bad khyndai tylli ki Jylla/UTna ka phangshathie ka dei kaba la pynlong ha ka 10 bad 11 tarik u Lber, 2023 ha Kochi.

Ka Regional workshop kaba lai bad phra tylli ki Jylla/UT jong ka phangshatei ka dei kaba la pynlong ha Srinagar ha ka 17 bad 18 tarik u Lber 2023.

Karegional workshop kaba saw ka dei kaba la pynlong ha Guwahati ha ka 24-25 tarik u Lber. Lyngba kane, palat 30 tylli ki Jylla/UTki dei kiba la peit ha ki workshop.Ka regional workshop kaba san ka dei kaba dang pynkhreh ban pynlong ha u Iaiong 2023.

Ka Phang jong ka sngi kaba nyngkong jong ka workshop ka long PM GatiShakti National Master Plan bad jong ka sngi ba ar ka dei ka National Logistics Policy. Ka PM GatiShakti National Master Plan (NMP) ka dei ka rukom teikam ban wanrah jingkylla kaba plie lad ia ka jingpynkhreh lang bad ka jingpyntrei lang na ka bynta ka jingpyniasoh bad ki lad ki lynti ha kylleng ka ri.

La sdang ia ka da u Myntri Rangbah Duh ha ka 13 tarik u Risaw 2021 da ka jing thmu ban weng ia ka jingtrei marwei ki tnat Sorkar bad wanrah ia ka jingpynkhreh lang kito kiba don bynta ha ka kam shna ia ki jingdon jingem.

Haduh mynta, la pynlong 45 tylli ki jingialang Network Planning Group ha ka kyrdan jong ka Sorkar Pdeng, ha kaba 72 tylli ki projek ba heh na ka bynta ki jingdon jingem (MoR-27, MoRTH-25, MoPNG-4, NICDC- 5, MoHUA-8, MoPSW- 2) kiba kot sha kumba T 5.08 lak klur, ki dei kiba la peit.

Shuh shuh 156 tylli ki jing duna ha ki kam jingdon jingem ban poi sha ki kad lieng bad na ka bynta ka jingkit ia ki mar kum u dewiong, dewbilat, ki dawai mar rep bad ki mar bam, ki dei kiba la ithuh ban don ki jingpynbeit.

Ki la don ki jingpyniia ki rukom trei ba biang tam ia ka PM GatiShakti NMP da ki tnat Sorkar Pdeng. Ki jingshem, ki rukom treikam ba biang tam bad ka jingpdiang ha ki Jylla ki dei kiba la iasam da ki 8 tylli ki jylla ba la iashim bynta (Arunachal Pradesh, Assam, Manipur, Meghalaya, Mizoram, Nagaland, Sikkim bad Tripura,).

Ki Jylla ki la iathuh shaphang ka jingiadshaphrang ki kam ha kaba iadei bad ka jingkhreh ki rynsan, ka jingtei ia ki application bad ki lad shim rai. Ki jylla ka thain shateilammihngi ki la pyni ia ki kam kiba la trei bha kum ka Arunachal Pradesh, kaba la pyniasoh ia ki jingpynkhreh ia 60 tylli ki shnong hapoh ka Vibrant Village Program.

Ka Assam ka la wanrah ia ka mobile app na ka bynta ka jingiada ia ka khyndew ha ka thain. Ka Manipur ka la peit ia ka jinglah ban tei ia ka Industrial Park haBishnupurDistrik. Ka Meghalaya ka la wanrah ia ka mobile mapping tool ban peit ia ki Electric Pole, ka jingpynpoi um, bad ki Distribution Transformer. Ki dang trei ruh ban peit ia ka jing thmu ban shna ia ka surok naAnogreshaRaksamgrelyngba kaJangrapara.

Ka Nagalandka la thmu ban shna ia ki jingdon jingem Logistic ha rud ka Nagaland Express Highway kaba iaid haduh 7 (hynniew) tylli ki distrikkhappud. Ka Sikkim ka la sdang ia ka kam na ka bynta ka State Master Plan ha ka rukom treiha ka nongrimpilot haki distrikGangtokbadPakyong.

Da kaba pyndonkam ia ka PM GatiShakti NMP, 11 tylli ki terminal ki dei kiba dang shna hapoh ka Inland Waterway Authority of India, kiba heh ki dei kaDhubri, Jogighoba, Pandubad Sadiya.

Kine kin plie lad ia ka jingkit mar sha Bangladesh bad ki jylla ka thain shatei lam mihngi lyngba ki lad kiba don ha ki jaka shong um. Kane kan pynduna ia ki jinglut jingep ha ki logistic bad plie lad ia ka jjingpynkit mar lyngba ki jaka shong um na ki surok.

La iakren ruh shaphang ka jingpeit ia ki kam kum ki, jingpyniasoh ba bun bynta sha ka Multimodal Logistics Park haJogighopa (Assam) bad (ii) jingshna ia ka jingkiengfour-lane halor ka wah Brahmaputra hapdeng Dhubri (Assam) bad Phulbari (Meghalaya) ka ban pynduna ia ka por ka leit ka wan bad pyniaid kham bha ia ki kam logistic.

Ka workshop ha ka sngi nyngkong ka la kut ha ka 24 tarik u Lber 2023 ha kaba kaSumitaDawra, Special Secretary, Logistics, DPIIT, Sorkar India ka la buh ia kine ki jingkyntu hakhmat ki Jylla bad UT:

Pyndonkam ia ka NMP/SMP ban pynkhreh kam ia baroh ki projek jingdon jingem; Kyntiew ia ka jingpeit ia ki jintip ba don bad ka jingpynshisha ia ki jingtip kiba donha ka SMP;Ka jingphaikhmat halor ka jingkyntiew ia ki jaka Pdeng jong ka ioh ka kot ha ka thainshateilammihngi lyngba ka jingkyntiew ia ki jingdon jingem bad ki kam logistics.

Ka jingpynkhlainia ka North East corridor lyngba ki lad jingpyniasoh ba bun bapher bapher sha ki jaka Pdeng ka ioh ka kot, ki kad lieng bad kiwei kiwei. Ka jingithuh ia ki jingduna ba kongsan ha ki jingdon jingem bad ka jingpynthikna ba pyndonkam na ka bynta ki projek kiba iadei bad ka jingpyniasoh.

Ki kam logistic ki dei shaphang ka jingkyntiew ia ki jingdon jingem bad ki jingshakri kiba iadei bad ki kam logistic. Kumta, ban kyrshan lang ia ka PM GatiShakti NMP.

La sdang ia ka National Logistics Policy (NLP) ban peit ia ki bynta ban pynbha shuh shuh ia ki jingshakri logistic bad ka jingtbit ki briew lyngba ka jingpynbha ia ki kam, ki rukom ai jingbit, ka jingkyntiew ia ki sap, ka jingwanrah ia ki kam logistic ha ki kam ai jinghikai bad ka jingpdiang ia ki teknoloji ba iahap.

Ka National Logistics Policy ka buh ia ki rukom treikam na ka bynta ki kam logistic ha baroh ki bynta kiba iadei bad kane kiba long kiba donkam bha.

Ki jingthmu ba iarjong ka NLP ki dei ban: (i) Pynduna ia ki jinglut jingsep ha ki kam logistic ha India ba kin iakot bad ki jinglong jingman ha kylleng ka pyrthei shuwa u 2030.; (ii) kyntiew ia ka Logistics Performance Index ranking –ka jing thmu ka dei ban don hapdeng 25 tylli ki ri kiba hakhmat shuwa u 2030, and (iii) wanrah ia ka rukom treikam kaba shong nongrim ha ka data na ka bynta ki kam logistic kiba iaidryntih.

Ka jingiadei bad ki Jylla: ban wanrah ia ka jingpeit bniah ia ki kam Logistic ha ki Jylla, la pynbna ia ki State,UT logistics policy da 19 tylli ki Jylla,UT. Ka jingwanrah ia kakaiphodLogistics Ease Across Different State (LEADS) 2023-24 ka la sdang kaba thmu ban peit ia ki kam logistic jong ki Jylla,UT katkum ka rukom treikam, bad buh kyrdan ia ki Jylla/UT halor ka jingsuk ha ki kam logistic.

Ha ka sngi ba ar jong ka workshop, ki Jylla kum ka Assam, Manipur, Mizoram bad Tripura ki la ai jingtip shaphang ki State Logistics Policy jong ki.

Ka Assam Logistics & Warehousing Policy, 2022 ka thmu ban pynkylla ia ka jylla sha ka jaka pdeng jong ki kam logistic ha ka thain lyngba ka jingkyntiew ia ki jingdon jingem logistic da kaba ai jingmyntoi ia ki jingbei tyngka shimet.

Ka jingkyntiew ia ka jing iaineh bad ka jinglahiaineh ka mariang ha ka thain, ha ryngkat ka jingiashim bynta shuh shuh ha ki kam ka ioh ka kot. Kane ka polisi kanplie ia ki lad ioh kam na ka byntakumba 15,000 ngut ki briew ha ki kamlogistic.

Ka Manipur Integrated Logistics Policy, 2022 ka peit bniah ia ka jingkyntiew ia ka Jingsuk ban trei ia ki kam khaii lyngba ka jingiashim bynta kito kiba don kti ha kine ki kam bad kito kiba don ha ki Industrial Estate kum ka Logistics Park bad ka jingdon ki jaka buh mar.

Ka Mizoram State Logistics Policy 2022 ka buh ia ki rukom treikam ha lai tylli ki bynta, ka jingpyniasoh, ka jingpynpoi sha ki jaka kyrpang na ka bynta ka ioh ka kot bad ka jingtei ia ka rukom treikam, ka jingtei ia ka lad ai jingtip ha ki kam logistic, bad ka jingpyniasoh bad ki kam logistic ha kylleng ka pyrthei bad ki jaka khappud.  

Ka Tripura State Logistics Policy ka peit ia ka jingtei ia ki aggregation hub kum ka jaka pdeng ban buh ia ki mar, ka jingtei ia ki jaka buh trok bad ki jaka shongthait ki nongniah, ka jingpeit ia ki kam kiba iadei bad u slasha, jri, ki mar rep, ka koit ka khiah bad ka pule puthi, ka jingkyntiew ia ki sam bad ki kam EV, bad ki jingmyntoi ha ka pisa pilain.

Ka workshop ka la kut da kine ki jingkren da ka SumitaDawra, Special Secretary, Logistics, DPIIT, Sorkar India kaba la kyntu kumne ia ki Jylla, UT:

Shim ia ki sienjam ha ki kam kiba iadei bad ki kam logistic, Pynlong ia ki jingialang hapdeng ki tnat sorkar ban kyntiew jingtip shaphang ki kam ka PM GatiShaktibad ki kam logistic kiba iaidryntih. Iakren bad ki nongbei tyngka, ki kynhun kam khaii ban sngewthuhia ki jingdonkam ia ki jingdon jingem bad ki kam logistic.

Ka jingkyntiew ia ki sap ha ki kam logistic – ki jingai jinghikai ha ki kam logistic ki ban don ha ki jingai jinghikai ha ki skulbah. Ka jingtei ia ki Logistics Parkkaba iasoh bad ka jingtei ia ki jaka buh mar, ki jaka peit ia ki mar, ki land custom station, ha ka rukom wanrah ia ka polisi.

Ka rukom treikam katkum ki cluster ban tei ia ki jaka pdeng jong ka ioh ka kot ha ka thain shateilammihngi, ka jingpynkhlain ia ka North East corridor ka dei kaba lah ban pynkhlain shuh shuh da kaba pyndonkam ia ki lad ka leit ka wan lyngba ki jaka shong um.

Ka jingkhringia ka jingbei tyngka na ki briew bad ki kynhun shimet ha ki jingdon jingem kiba iadei bad ki kam logistic. Ka jingtei ia ki surok kiba bha ka dei kaba hap pyndep mardor. Ki Jylla ki lah ban ai jingithuh ‘Karkhana; ia ki kam Logistic, ban plie lad ia ka jingioh bynta ha ki kam ka pisa pilain.

La ai jingsngewnguh kyrpang ia ka jingai jingkyrshan teknikal da ka BISAG-N, na ka bynta ka jingpeit ia ki jingtip shaphang ki jingdon jingem ha ka ioh ka kot bad ka imlang sahlang ha ka ri, ka jingsaindur ia ki app bad ka jingai jinghikai ia ki Jylla abd UT.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet