Shillong, Naitung 08: Wat la ia ka sorkar Meghalaya Democratic Alliance (MDA) la ialam da ka seng National People’s Party (NPP) hapoh ka jylla Meghalaya ha kaba u Conrad K Sangma u long u myntri rangbah ka jylla ia kaba u hap ban ia khun ia ka elekshon MLA na ka South Tura Konstitwensi ban ioh ban beteng biang ia ka jinglong myntri rangbah ha ka jylla namar ba umd ei u MLA.
Ki tyllong khubor, na ka seng NPP ki pynsngew ba kan bha lada ki party kiba don hapoh jong ka sorkar MDA, kum ka UDP, ka PDF bad kiwei kin pynieng kyrtong ha ka elekshon shiteng samoi. Ki ar tylli ki konstitwensi kiba hap ban leit biang sha ka elkeshon ka long ka Ranikor ST Konstitwensi bad ka South Tura ST Konstitwensi.
Na ka party NPP, kila don lypa ia ki kyrtong, u Conrad K Sangma na South Tura bad u Martin M Danggo u ba la hiar shuki ban pynioh ia ka Ranikor Civil Sub Division ia kaba ynsa plie ha ka sngi baa r, katba ka Agatha K Sangma kala hiar shiki ban ailad ia u hynmen jong ka u Conrad K Sangma.
Haba phai sha ka Ranikor Konstitwensi, u Chairman jong ka PDF u Bah PN Syiem u la ia ksaid ban pynieng ia u kyrtong ia mon lang ha kaba u la thrang ban ia khun na katei ka jaka bad na ka liang jong ka UDP kala don ia u kyrtong u Bah Pious Marwein u ba la ia ha kane ka elekshon kaba la dep, katba ka Congress ka dang wad kyrtong mynta ia no ban pynieng na katei ka jaka lane kan kyrshan ia u Bah Pynshngianlang Syiem.
Ki lad khubor kiba ia jan bad ki nongialam jong ka NPP, ki pynsngew ba kan bha lada ki party ki pynieng ia la ki jong ki jong ki kyrtong wat la ki ia treilang ha ka sorkar, namar ka seng ka sngewthuh shai ba ka jingiatreilang ha ka sorkar bad ka kam elekshon kam don jingiadei ei ei ruh em. Ka jingiatreilang ka long ha ka sorkar hynrei ka elekshon ka long ban pynkhain ia ka party.
