Shillong, Nailar 27: Mynta ka sngi ha ka por jan miet kawei ka Jeep kaba don ia u number ML05-J-1784 ia kaba la niah da u Bah Libarlan Thabah kala kylla ha Ladweitang ha Nongstoin bad ha kane ka jingjia ar ngut ki rangbah briew kila mynsaw bad la pynkit ia ki sha Hospital.
Kine ki ar ngut kiba la mynsaw la ong ba ki dei na ka thain Umsning jong ka Ri Bhoi District, na ka liang jong ki pulit ki dang pyrshang ban ioh ia ka kyrteng jong kine ki ar ngut kiba mynsaw ha kane ka jingkylla jong ka Jeep, la kynnoh ba ka daw jong ka jingkylla ka dei na ka jingbuaid kyiad.
Na ka liang jong ki pulit ka Nongstoin ki iathuh ba kila rah ia u nongniah jong kane ka kali ban phah exsamin bad ia ka kyrteng jong kitei ki ar ngut kiba mynsaw ki dang ap namar ba kim pat lah ban iathuh ia ka kyrteng jong ki na ka dawa jong ka jingmynsaw. Na ka liang jong u SP ka West Khasi Hills District u la ong ba ki pyrshang ban ioh ia ka kyrteng jong kiba mynsaw.
