Shillong, Iaiong 19: Ha ka meit sngi saitjain kawei ka trok kaba don ia u number NL-02-N-4222 kala kylla ha jan shnong Lumshnong, kane ka trok kadei kaba kit rong siang surok “Tar”. Ha ka jingtohkit ki pulit la shem ba kane ka kali kala wan na Beltola ban leit sha Mizoram.
Ha kane ka kali ki don tang ar ngut u nongniah bad u nongbut hynrei kan da la rung sha jylla Meghalaya ha pdeng Deinchynrum bad Byndihati saw ngut ki briew kila kiew beain ha kane ka trok.
Kine ki saw ngut ki briew kila rieh ha dien jong ki top rong surok ban lait na ka jinglap jong ki pulit, hynrei ha kane ka jingkylla kane ka trok ar ngut na kine kiba kiew beain ha katei ka kali kila khlad ha shen. Da ka jingiarap jong ki pulit la lah ban rah ia kiba mynsaw ar ngut sha jaka ai jingsumar, hynrei u wei na ki u la khlad noh ha Hsopital bad ia u wei la pynkit sha Silchar Mediacal College ban sumar.
Na ka liang jong ki pulit kila kem ia u nongniah katrok bad la register mukotduma pyrshah ia u bad ia ki lai tylli ki met la aiti sha kiba ha iing ha snem ha dien bala pyndep ia ki kyndon katkum ka ain. Na ka liang jong ki pulit kila ai khublei ia ki nongkit kam shnong kiba la ai ka jingiarap bad kum juh ia ka Star Cement bad Dalmia Cement kiba la ai Ambulance.
