Kylli ka KSU jong ka SWKH District shano ka jah ka District Task Force na ka District

Shillong, Kyllalyngkot 13: Ka KSU South West Khasi Hills District haka kyrwoh ba la phah da u samla Forwardman Nongrem ka la buh jingkylli hakhmat ki bor District ka South West Khasi Hills District bad hakhmat ki bor pyniaid hapoh ka Mawsynram Block ba shano jah ka District Task Force, ka District Level Team bad ki Labour Officers ki ban pyndep iaki kam halor ka jingwanrung kyrthlep jongki briew ba nabar.

Kumban shu pynkynmaw ka District Task Force la thaw khnang katba kum ka Meghalaya Residents Safety and Security Act 2016, katba iaka District Level Team pat katba kum ka Work Permit Scheme ban register iaki nongtrei bar jylla. Hapoh lai tylli ki block kata ha Mawsynram, Mawkyrwat bad Ranikor Block ha jingshisha la dep thung iaki Labour Officers bad ka Infiltration Directorate ruh ka Lah don haka jylla hynrei kaba sngewsih ka long kine ki officers imat ki la shu bam tulop Khlem trei bha pat iaka kam.

Ka seng ym tang katta, Ngi la dep buh RTI la bunsien ha ophis jongka DC South West Khasi Hills District halor ka registration iaki nongtrei bar jylla katba kum ka Work Permit Scheme hynrei kaba thamula ka long ba ym shym la don haka report jongka District Level Team kaba pyni ba ki la register ia baroh ki nongtrei barjylla katba kum ka Work Permit.

ki la wad jingtip ruh halor ka jingpyntreikam iaka District Task Force hapoh South West Khasi Hills District hynrei kaba thamula ka long ba Kane ka Force bad ka District Level Team ki dei tang ki sna iap kiba im tang ki kyrteng bad ki dkhot khlem kano ka jingpyntreikam.

Kane ka pyni ba ka bor District bad ki Labour Officers kim treihok iaka kam hynrei ki shu bam ei tang iaki jingmyntoi jongka. Kaba kham thamula ka dei ba ym ju kham iohi ba ki Labour Officers, ki briew ka District Level Team ne District Task Force ba kin leit khynra kylleng kylleng ki jaka ban kem iaki nongwantrei khlem Work Permit NE ban pynshitom ia baroh ki nongsah wai bym dei trai jylla kiba khlem register ialade katba kum ka Work Permit ne katba kum ki kyndon ka MRSSA.

Na ka liang ka seng ki la ju leit iakren barobor bad ka DC South West Khasi Hills District halor kine ki mat hynrei imat ki la shu kut tang haki jingiakren bad ki jingkular kiba khlem pyni iaka kam ba ki trei. ki la iaishah hynrei khlem iohi pat ia u soh jongka jingiaishah ” Ha kano ma ka por ka seng kan sa leit ban tur sha ophis jongka DC ne ki Labour Officers jongki Block bapher Bapher ban pynpaw iaki jingpyrshah halor ka jingbymtrei hok jongki iala ka kam ne Wat ban hiar ne shim hi iaka ain haki jaka ba don ki bar jylla sah beain ruh “.

Shuh shuh, ka seng hadien ka jingpynbor jongka KSU Sengkmie ia baroh ki 60 Ngut ki MLA ban leit tied iaka jingkhang ka sorkar India ban ai ILP, Ka KSU South West Khasi Hills District namar kata ka sngewdei ban kyntu ia u MLA ka Mawsynram Constituency u Bah H.M Shangpliang, ia u MLA ka Mawkyrwat Constituency u Bah Rinikton Lyngdoh bad ia u MLA ka Ranikor Constituency u Bah Pius Marwein ba ki dei ban leheiei bad pyni ruh daka kam ban pynbor iaka sorkar ba ka dei ban pynkloi ban pynbeit iaka issue ILP.

Ka seng ka kyntu ruh iaki shnong hapoh ka thain ba ki dei ban peitbniah khamtam hadien mynta ba ka CAA ka la treikam. Ngi kyntu iaki Dorbar shnong khamtam ha thain khappud ban long ba la pynkhreh la ka long daka ding ne ka snam ban iada iala ka jaka naka jingshah hiar thma haba paw ne ba jarjar khamtam haki Bangladeshi.Kane ka dei ka kyrwoh na u samla Forwardman Nongrem, President, KSU South West Khasi Hills District.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet