Kylli na ka sorkar balei ym ioh shallan Mawshun jubab u DFO East Khasi Hills

Shillong, Risaw 13: Ki nongkhaii mawshun kiba la ioh ia ka mining lease na ka sorkar Meghalaya mynta ki ia kynduh jingeh bym ioh shallan bad kane kala jia naduh bas dang mynta u bnai.

Kane ka jingbym ioh ia ki shllan kala buh ia ki nongkhaii khmatam ia kiba kiba phah mawshun sha Bangladesh, lyngba ki kad khaii ba kin nym lah ban pyndep ia ka jingiakut kumba la thoh ia ka Letter of Credit (LC) da ki nongthied na Bangladesh.

Khlem da kwah ban pynpaw kyrteng, ki nongkhaii Mawshun kila dep ban thep kyrteng hapoh jong ka Divisional Forest Officer (DFO) jong ka East Khasi Hills, hynrei haba ki leit ban wad kila ong ba ym don shallan katba ia ka daw ba balei ym don shallan ym shym la batai na ka liang jong ka ophis.

Halor kane ka jingbym ioh shallan na ka liang jong u SP News Agency, u la ioh ban ia kren bad u bah TheophilusWanniang, DFO jong ka East Khasi Hills District ban kylli lyngba ka phone la ka dei shisha ne em ba ki nongkhaii mawshun kin ioh shallan.

Haba jubab ia ki jingkylli na ka liang jong u DFO u la ong ba ka dei ka jingshisha ba mynta u bnai Risaw kim shym la ai shallan, haba la kylli na kaei ka daw bay m lah ban ioh shallan na ka liang jong u DFO u la ong ba kylli na ka sorkar.

 

What Next?

Recent Articles

Leave a Reply

Submit Comment

*