Kylli u Bah Embhahlang balei slem ban plie noh ia ka Mawlai C&RD Block

Shillong, Lber 20: U myntri ba dei peit ia ki kam pynroi nongkyndong u Bah Sngewbhalang Dhar haba jubab ia ka jingkylli jong u MLA ka Mawlai u Bah Embhalang Syiemlieh u la ong ba ka daw jong ka jingslem ka long bay m pat ioh ia ka jaka ban buh ia ka Blcok ophis.

U myntri u la iathuh ba ki don lai tylli ki jaka kiba la tynrwa sha ka sorkar, kawei ka synjuk ki rangbah shnong Mawlai Mawsiatkhnam, Mawlai Mawtawar bad ka Mawpat, na ka liang jong ka sorkar kan sa peit ia kano kaba biang na ka bynta ka jingbha jong u paidbah.

U Bah Embhahlang u la kylli bynrap da kaba ong da kaba burom ia u MLA ka Sohiong, balei ia ka Sohiong Block wat la kham shym don ha ka jingkren mang tyngka la dep ban plie balei ia ka Mawlai pat pat lah ban plie na ka liang jong u Myntri u la ong ba ka daw ka dei ka jaka. Ki ophisar kila leitban jurip ia kitei ki lai tylli ki jaka bad u myntri u la pynthina ba kane ka block kan trei kam hapoh mynta u snem mang tyngka.

Na ka liang jong u Bah Embhalang u la ai jingmud ba ka jaka ha Mawlai Mawroh ka dei ka jaka ba biang na ka bynta baroh saw tylli ki Constituency, ia kaba la kyrshan lang ruh da u Bah Jemino Mawthoh MLA ka Nongthymmai ia kane ka jaka.

 

What Next?

Recent Articles

Leave a Reply

Submit Comment
*