Kyndit ka AMPSA ba pynrung skul ka St. Anthony’s HSS ha ka Klass XI, Art, Com, Sci

Shillong, Jymmang 28:Nakaliang jongka All Meghalaya School’s Parents Association (AMSPA) ka pynpaw ka jingsngew lyngngoh kaba khraw halor ka jingkhot pynrung skul (Application Form) jong ka St. Anthony’s Higher Secondary School na bynta ki khynnah pule jong ka Class XI ha ka Science, Commerce bad Arts.

Ka AMSPA ka ong ba watla pylleiñ la tip shai ba nakaliang jongka Sorkar Jylla kam pat ailad ban pynmih ia ka Result SSLC namar ba ngi dang don hapdeng ka jingiakhun pyrshah ban iada ia ka jingsaphriang jong u khñiang jingpang Covid-19.

Bun na ki kmie ki kpa kila phone ianga mynnin ka sngi ban pynpaw ka jingkhuslai halor kane ka bynta ha kaba nakaliang jongkatei ka Skul ki la leh. Ki la pynpaw ruh ka jingkhuslai kaba khraw ha kaba katei kajuh ka Skul kala kyntu jur ia ki kmie ki kpa baroh ba kidei ban siew lut noh ki bai skul (School Fees) hapoh jong ka 1 tarik jong u Bnai Jylliew.

Kila buh ki jingkylli kiba bun ba lada lah ban long kumtei kaei kaban jia ia ki paidbah kiba sah sha ki thaiñ nongkyndong ne wat kiba sah ruh hapoh Shillong lada ki kwah ban buh skul ia la kijong ki khun hapoh katei ka skul haba kim iohlad ban wan sha katei ka jaka ne khlem da ioh ruh iaki jingtip kiba pura ne wat ban siew ruh ia ki bai skul haba kum kane ka jingjia ka dang don mynta.

Mar mar mynne ka sngi nga la leitmih shapoh katei ka Skul ban sakhi da la kijong ki khmat ia kane ka jingjia bad pylleiñ nga la iohi ba ki la thoh hapoh ka Notice Board ban khot application ia ka Class XI wat hapdeng jong kane ka Covid-19 Lockdown ngi dang don. Bad la ong ruh ba yn ai form tang 50 tylli man la ka sngi ha manla kawei pa kawei ka kyrdan pule.

U Bah Banshai u la ong ba u  la kwah ban iakren bad ki nongpyniaid jongkatei ka Skul hynrei nga khlem iohlad pynban nga la ioh ban iakren bad ki katto katne ngut ki kmie ki kpa kiba don ha katei ka jaka bad kiba la pyrshang ban wan shim phom iala ki jong ki Khun bad nakaliang jongki ruh kila pynpaw kumjuh ka jingsngew lyngngoh bad buh ki jingkylli ba balei katei ka Skul ka la nud ban ialeh pyrshah ia ki rai kiba nakaliang jongka Sorkar ka la buh.

Kumta hi mar mar nga la phone sha u Education Minister jongka Sorkar Jylla, Ma Lakmen Rymbui ban pyntip ia kaba kum katei ka jingjia bad nakaliang jong u ruh u la pynpaw ka jingkyndit bad sngewlyngngoh ban ioh sngew ia katei ka bynta bad u la ai khublei shikatdei eh ia kane ka jingpyntip jongnga bad u la kular ba nakaliang jongka Sorkar kan shimkhia ia kane ka bynta khamtam ha kaba iadei bad ki paidbah kiba donkam iaka pule puthi.

Kumta ha kaba khatduh u sngew ban pynpaw ba ka jingkhot application jongkatei ka skul kalong beit thik tang na ka bynta ki khynnah pule jong ka Class XI bad la ong ruh ba yn ai form beit tang 50 tylli manla ka sngi naduh ka Science, Commerce bad Arts streams.

Lada kumne man la ka sngi 50 tylli yn ai form, katno shuh yn die ki form bad katno ruh yn pynmih noh ka pisa kaba la dep noh synniang (Donation) shapoh ka CMRF tad haduh ynda la pynmih ka result matrik (SSLC). Kane pylleiñ ka paw shai ba kadon ruh ka lad khaïi pateng ha kaba iadei bad ka pule puthi.

Nakaliang jong ka AMPSA ka pyrshah jur ia kane ka bynta bad kumta hi ruh ngi ban jur ia ki bor ba dei peit jong ka Sorkar Jylla ban sngaplem ia ka jingud jongki kmie ki kpa bad ruh ngi kyntu jur ban shimkhia mar mar ia kaba kum katei ka bynta bad lada ka Sorkar Jylla ka ailad ia katei ka Skul ban pyndep pura ia kane ka jingthmu jong ki.

U bah Banshai u al ong ba lada ka long kumne la dei ban ailad ia baroh ki Skul ba kin khot noh ia ki Application Form jong ki Calss XI bad Class XII kumjuh hi ruh ba kin lum noh ia ki bai skul jong ki khnang ba kan ym pynsah umdum ia baroh kiba angnud ban ioh ia ka jingpule kaba pura. Ka AMPSA kam kwah da lei lei ruh em ba ki skul kin pyndonkam ia ka pule puthi kum ka lad khaii pateng.

Ka AMPSA kyntu jur ia baroh ki kmie ki kpa kiba don ka jingthmu ban phah pule ia la kijong ki khun hapoh katei ka skul ne ha kiwei pat ki skul, ba kin ai lang ka jingkyrshan kaba pura iaka AMPSA na ka bynta ban ioh lad ha kaban wanrah ia ka jingkylla kaba paka

Ha kaba iadei bad ka pule puthi hapoh ka Jylla bad ruh ban ym ailad ia ka jingpyrshang ban shim kabu da mano re mano khamtam ha kaba iadei bad ka pule puthi khnang ba lada dei kiba duk ne kiba riewspah ruh kumjuh ngin iohlang ia ka pule puthi kaba paka hapoh la kajong ka Jylla. La ong u bah Banshai Marbaniang ha ka kyrwoh president ka AMPSA.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet