Kyndit ka  HITO ban tip ba ka jylla Meghalaya kam pat pyntreikam ia ka Sports Code ka Ri India

Shillong, K.Lyngkot 14: Ka long kaba sngewkhia bad kaba pynlyngoh ba hadien ba ka seng HITO kala dep ban aid a ka dorkhas naduh 26 tarik November 2021, sha u Bah Banteidor Lyngdoh, Myntri ba dei peit ia ki kam ialehkai bad ba dei ruh u pesident MSOA hynrei haduh kine ki sngi wat hadien 56 sngi ngim pat ioh ka jubap lane ka lad ban ia kynduh ia u wat hadien ba ngi la pan por ban ia kynduh haduh saw sien.

Kane ka jingbuh teng jong u Myntri ban ia kynduh ia ka seng ban ia kren ia kane ka kam kaba khia kaba ktah ia ka dur jong ka jaidbynriew ha kaba u bymdei u u na ka jylla Meghalaya ban  mih khmat sha ka Ri India ha ka kyrteng jong ka jylla lyngba ka jingbat kam kum u General Secretary, MSOA la kynnoh ka seng HITO.

Ka jingkhien sting jong u Myntri ka tnad Sports mynta 56 sngi ban khot ban ia kren ia kane ka kam,  Kum ban shu pynkynmaw ba ki dkhot jong ka seng HITO ki la leit rah lama ban pynrem bad la ai markhmat ia ka juh ka shithi sha General Secretary, uba long ruh u General Secretary ka Meghalaya Table Tennis Association, la bun bun snem.

Ha ka  27 November 2021, bad la kyntu ia u ban ai lad ia ki Riewlum ban shimti ia ka kam General Secretary hapoh office MSOA, ha katei ka sngi la pynsngew ruh ia kane ka phang hakhmat u Bah John F Kharshiing, Working President, uba la don lang ha katei ka sngi, bad ula pyntip ba ka MSOA lyngba u Myntri Sports kin sa ia kren ia kane ka kam.

Ka seng lyngba ka shithi kaba la phah sha u Myntri Sports ka la kyntu ba u general secretary  un pyrkhat ia ka burom jong ki jaidbynriew riewlum ka jylla Meghalaya bad ban pyllait noh ia katei ka kam bad ban ailad ia ki trai riewlum kiba tbit ban shimti ia katei ka kam General Secretary, MSOA.

Ka HITO ka ong ba ka  sngew ktah haba ka MSOA ka phah da u bym dei u riewlum ban mih sha ka AGM jong ka IOA bad mynta lei lei u la shah jied ruh kum u General Team Manager IOA sha ka 22 Commonwealth Games ka bam long ha England naduh July 28 haduh 8 August 2022.

Ka jingpynslem u Myntri Sports bad ka MSOA ban shim khia ia kane ka kam ka la wanrah ia ka jingjah burom khamtam ia ka jaidbynriew Hynniewtrep.

Ka HITO ka pynpaw ia ka jingkyndit ruh ban tip ba ka jylla Meghalaya kim pat pyntreikam ia ka Sports Code jong ka Ri India kum ka nuksa katkum ka sports code ki ba palat 70 snem kim lah shuh ban bat kam hynrei ngi ioh jingtip ba ki don kiba la palat 70 snem kiba don hapoh ka Committee MSOA.

Shuh shuh ki don ruh ki kyndon halor ka por jingbat kam ha ki Association ha kaba u President u lah ban bat kam lai sien katba u General Secretary u lah ban bat kam tang ar sien, ia kaba ka MSOA kam shym la pyntreikam, ki don ruh ki Association ki ba don ha ka kyrteng hynrei kim juh pynlong kano kano ka championship katba ha kawei ka liang ki shim pat ia ka jingiarap na ka Sorkar.

Sa shisien ka seng HITO ka pynrem ia ki dkhot MSOA kiba khlem pyrkhat ki la jied ia u bym dei riewlum, bad ka maham ba nangne shakhmat ki kam kiba hakhmat ha man ki State Association ki dei beit ban long da ki riewlum.

Khatduh ka seng ka kyntu ia u Bah Banteidor Lyngdoh, Myntri ka tnad Sport, bad u Bah John F Kharshiing, Working President, bad khamtam kiwei ki nongkitkam ka Meghalaya State Olympic Association ba kin shim khia ban pynbeit noh ia kane ka kam mar mar ym ban shu ia sngap kli kti ia kane ka kam knang ban nym shah rkhie hakhmat ki jylla North East.

Ka seng kan nym shong kli kti bad buddien ia ka kam haduh ban da lah ban wanrah biang ia ka burom jong ka jaidbynriew hakhmat ka Indian Olympic Association, kane ka long katkum ka kyrwoh kaba la phah da u da u Bah Donbok Dkhar President bad bah Wanbun N Dkhar General Secretary ka seng.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet