Kyndit ka MSSASA ba khang tala ka ophis jong ka NIOS kaba don ha Laitumkhrah

Ka ophis jong ka NIOS kaba khang tala ha Laitumkhrah.Shillong, Jylliew 23: Hadien ba mih biang shibun ki jingbakla jong result jong ka 2 year Diploma in Elementary Education (D.El.Ed) exams 2015 jong ka 1st batch (2013) ba la pynmih biang da  ka National Institute of Open Schooling (NIOS) ha ka 22 tarik mynta u bnai kaba dei ka sien kaba lai ba ka NIOS ka pynmih ia ka result jong ka juh ka exams, ki dkhot ka Central Executive Committee (CEC) ka Meghalaya SSA School Association (MSSASA) Sengkmie ba lam khmat da u President jong ka u bah Aristotle C Rymbai ha kajuh hi ka sngi ki la leit mih sha ka ophis jong ka NIOS kaba don ha ophis jong ka Directorate of Educational Research and Training (DERT) Shillong ban pan jingpynshai halor ka jingmih biang ki jingbakla ha ka result  D.El.Ed.

U bah Aristotle C. Rymbai haba kren bad ki lad pathai khubor u iathuh ba ka Seng ka lap ba ka result ba la pynmih da ka NIOS mynta, ka don shibun ki jingbakla kum ban shu kdew wei ar ka marks jong ka School Base Activity (SBA), Workshop Base Activity (WBA) bad Practice Teaching jong ki nonghikai kiba ialeh ia kane ka exams (trainees) kiba na kajuh ka study centre ki don kiba paw bad ki bym paw  ki marks ha ka marksheet bala ioh lyngba ka website jong ka NIOS, nangta kiba la shah thoh absent (AB) ha ki subject  ha ka result ba la dep pynmih ha ka sien ba nyngkong bad ba ar mynta ruh la lap la ai marks tang ia ki internal assessments paper katba ia ka theory paper la ai biang absent (AB), ki trainees kiba ialeh biang ia kane ka exams ha ka subject ba ki phail, ha ka result ba la pynmih da ka NIOS ha ka 8 tarik u Jymmang mynta u snem ki la pass hynrei ha ka result ba mih ha ka 22 tarik mynta u bnai pat la lap ki marks ba ki ioh mynshwa kim don shuh bad la thoh biang ha ka marks card “SUBJECT YET TO CLEAR (SYC)”, nangta shuh shuh ha ka jaka jong ka kyrteng jong ki kmie ki  Kpa jong ki trainees la thoh beit da ka kyrteng jong ki trainees kynthup ia kiba la pass bad kiba dang shah bat biang ruh nalor kiwei kiwei ki jingbakla.

U bah Rymbai u bynrap shuh shuh ka long kaei kaei kaba pynlyngngoh ia ki kum ka Seng haba ngi pyrshang ban iakynduh ia ka (Dr) D. Pyrbot kaba dei ka Nodal Officer jong ka NIOS ban peit ia ka Meghalaya ki lap pynban ba ia ka ophis la shu khang tala bad wat ki staff kiba trei ha kane ka ophis jong ka NIOS kim don satia, haba pyrshang ban kylli na ki staff jong ka DERT ki ong ba ka Dr Pyrbot ka shim shuti, haba ki kylli lano kan wan trei biang ki ong kim don jingtip ia kata.
Ki nongialam ka MSSASA Sengkmie ki la iakynduh ruh ia u Director ka DERT u T.G.Momin ban pan jingshai halor kitei ki jingbakla hynrei na ka liang  u Director ka DERT  iathuh pynban ba “um don jingtip ei ei halor kane namar ia ka exams la pyniaid da ka NIOS bad kumjuh ruh ia ka result, ka DERT ka long tang kum ka jingkieng ka ba shu iarap ia ka NIOS” ong u bah Rymbai.

U bah Rymbai iathuh ruh haba kylli na u Director ka DERT la pynjlan ne em ia ka por jong ka katei ka course na ka bynta ki batch 2013 bad kumjuh ruh lano ban siew ia ka bai exams, u T.G. Momin u iathuh ba kumba ka long hi haduh mynta kam pat don ei ei ruh kum kata ka jingbthah na ka liang jong ka NIOS la ka dei da ka jingong ktien lane lyngba ki jingthoh, hynrei kaba pynlyngngoh shuh shuh ia ka Seng ba ha ka notice board jong ka NIOS pat la thoh ba baroh ki trainees jong ka 1st bad 2nd batch kiba phail ki dei ban siew ia ka bai exams sha ka Regional Centre jong ka NIOS ha Guwahati lyngba ki Demand Draft naduh ka 1 tarik Naitung haduh 31 tarik Naitung mynta u snem naka bynta ka eksam kaban long ha u Risaw bad Naiwieng, katba u Director ka DERT pat u ong kam don kaei kaei kaba kum kata, kaba pyni ba ka lah ban don ei ei sha lyndet.

Kum ka Seng ngi pynpaw ka jingpyrshah jur halor kane ka jingleh jong ka NIOS, kaba pyni shai kdar ia ka jingleh donbor bad bymsuid niew ia ka lawei jong ki nonghikai kiba ialeh ia katei ka exams kiba kynthup naduh ki nonghikai SSA, Adhoc, Deficit bad Govt. Ka institution aiu kum kane haba tang ia lade kam biang kumno kan ai jinghikai pyntbit ia ki nonghikai hapoh ka jylla  buh jingkylli ka MSSASA bad ka Seng kan sa shim ia ki sienjam wat ban pynlong biang ia ki program jingiakhih kiba tyngeh ha kine ki sngi ban wan namar ka jingshah iuhroit ia la ka jong hok bad ngin sa thoh ruh sha ka sorkar jylla aiu ka don ban ong halor kane ka jingleh bakla biang jong ka NIOS, ong shuh shuh u bah Rymbai.

Kumban shu pynkynmaw ka Sorkar Jylla ha u snem 2013 ka la iatep soskular bad ka NIOS ban ai jinghikai pyntbit ia ki 7822 ngut ki nonghikai kiba hikai ha ka kyrdan elementary level kiba kynthup naduh ki nonghikai SSA, Ad hoc, Deficit bad Govt, ha kaba 4385 ngut la pynrung ha ka 1st batch(2013) bad 3437 ngut ha ka 2nd batch (2014). La sakhi ruh bun tylli ki jingiakhih jong ki nonghikai (trainees) ba lam khmat da ka Meghalaya SSA School Association (MSSASA) ha u snem bala dep bad kumjuh ruh  mynta u snem halor ka jingleh thurmur jong ka NIOS ha ka result jong ki 1st batch (2013) 2 year D.El.Ed exams 2015.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet