Shillong, Lber 21: Ki nongshong shnong jong ka Mawlai Phudmawri kila sngew kyndit ban iohi ba ar tylli ki tyllong umshyngiar kiba don hapoh ka shnong ha khlaw sorkar ha Pgudmawri ki bym juh tyrkhong myno myno hynrei mynta u snem naduh u bnai Rymphang kila tyrkhong.
Kine ki ar tylli ki tyllong Umshyngiar kiba don hapoh ka shnong Mawlai Pgudmawri ki don ha Khlaw sorkar sha mih ngi na ka shnong, kawei ka don sha rum bad kawei ka don shaneng jong kane ka juh ka khlaw sorkar kaba ki paidbah ka shnong phudmawri ki pyndon kam ban saitjian bad tong umdih.
Haba u SP News Agency u la ioh ia kane ka jingtip ba kine ki ar tylli ki tyllong umshyngiar ki bym juh tyrkhong um myno myno hynrei mynta u snem kila tyrkhong khlem mih um shuh naduh shiteng jong u bnai Rymphang, la leit sha katei ka jaka bad la shem ba kine ki ar tylli ki tyllong um kila tyrkhong khlem mih umshuh.
Na ka liang jong ka Myllim Block mynshuwa ha kaba khlem pat phiah ia ka Bloch ha u snem 2012 kala ai skhim lyngba ka block ban sha bha ia kine ki ar tylli ki tyllong um ba kin long ki jaka saitjain la ka jong bad ka jaka tong um dih la ka jong hynrei mynta kila trykhong.
Ha kane ka jingleit jngoh na ka ophis jong u SP News Agency la shem ba ia ki kor um kiba don ha ki top um la khang tala wat kine ki ar tylli ki tyllong um kila tyrkhong raw raw, haba kren bad ki briew kiba don ha jan jong kine ki ar tylli ki tyllong um kila pynpaw ia ka jingsngewkyndit jong ki ban iohi ba kine ki tyllong um kiba ym juh duh um mynno mynno mynta kila tyrkhong um naduh u bnai Rymphang.
