Shilong, Lber 12: Ka jingia kynduh lang jong saw tylli ki seng,kata ka KSU,FKJGP,HNYF bad RBYF, mynne ka sngi ha ophis jong ka KSU,ban ia mir jingmut ia ki katto katne ki mat kiba don ka jing iadei bad ka mat bad ia dei bad ki kam mynnder.
Ha katei ka jingia kynduh lang ha pdeng ki saw seng lah ioh ruh ban ia kren halor ka jing ioh jingtip ba ka sorkar kan pynkynriah kam noh ia ka Deputy Commissioner jong ka East khasi Hills District kaba dang shu shimti shen iaka kam bad wat tang shisnem ruh ym pat kynjoh satia.
Ki saw seng ki pynpaw ia ka jingbym iahap satia ia kane ka jingpynkynriah kam da kaba bujli da ki briew ki bym dei ki trai ri trai muluk.Haba ki trai ri ki la don bad la lah ban shimti ia ka kam,balei yn shu ailad ia ki bym dei ki trai ri,hato ki trai ri kim nang mo ban trei kam,kim tbit mo ban trei kam.
Ka long kaei kaei kaba sngewdiaw lada kum kine kin iai jia man kapor. Na ka liang jong ki saw seng ki ong ba kimm shun kim pihuiñ iano iano ruh hynrei wei haba ki trai ri ki lah long kiba bit bad ia ryngkat kyndan ban shimti ia ka kam,dei ban pyrkhat shwa nyngkong duh ia la ki trai ri,ym ban weng ia u trai shnong buh pat da u soh shnong.
Ka por ka la dei iaka sorkar ba kan da pyrkhrat janai bha ia kiba kum kine ki kam,khamtam dei ban ailad ia ki trai ri trai muluk ba kin bteng ia ki kam ha ki kyrdan kiba ki lah dei hok ban ioh,ym ban shu kyntieng sharum shaneng bad ailad pynban ia ki bym dei ki trai ri ban shimti iaka kam.
Ki saw seng ki phah ia kane ka kyrwoh sha ka Sorkar ba ka dei ban da pyrkhat bad shim ba ki trai ri kin long ha khmat duh ban aiti ia ka kam. La ong u Bah Lambokstarwell Marnger President KSU.
