Kyndit u Bah Process ban tip ba dei bym ai jaka ki shipai ban iaid u paid um sha Shillong

Shillong, Jymmang 14: U bah Process T Sawkmie mynta ka sngi u la pynpaw ia ka jingsngewkyndit ka jong u ban tip ba dei bym ai jaka ki shipai ban iaid u paid um sha Shillong ba sa slem ka jingtrei jong ka bynta balai jong ka Greater Shillong Water Supply Scheme.

Haba kren ha ki lad pathai khubor ha dien ba la dep ban jurip ia ka jingtrei jong ka GSWSS, naduh san met ha duh dam umiew. Na ka liang jong u tei u nongbat shabuk jong ka liang pyrshah u la buh shibun ki jingkylli ha khmat jong ki engineer kiba la synran lang ia u Superintending engineer  u Bah C Marngar ba dei na ka Electrical, u Bah BL Lawai Executive Engineer bad ka SDO ka long S Pyrtuh.

U Bah Sawkmie u la ong ba lada um wan ban jurip kumne yn nym tip ia ki jingshisha, da kaba wan kumne u la tip bad u la kular ia ki heh jong ka PHE ba un sa ia kren ia kane ka kam bad la da dei ban leit sha Delhi ban ia kren bad ka tnad kam poh iing ban pynkloi ia ka jingai jingbit ruh hap ban leit.

La ong ba kam lah ban long tang na ka bynta ban iaid u paid um ki shipai wat la ka jingiakren kala iaid mynta la shisnem shiteng mynta kam pat ai jingbit, kane ka long kaba ym lah ban pdiang da lei lei ruh em tang ka ka daw jong ki yn jynjar u paidbah.

U la ong ba kum u MLA u la juh kren hapoh ka iing dorbar ia ka jingeh ha kaba ia dei bad ka um hynrei la shu hun ia kaei kaba la jubab na ka liang jong ka sorkar, da kane ka jingwan mynta ka sngi u la ong ba ki paidbah ka sor Shillong ki ia kynduh ia ka jingkyrduh um dei na ka jingleh jong ki shaipai.

What Next?

Recent Articles

Leave a Reply

Submit Comment

*