Shillong, Jyllalyngkot 13: U Myntri ba dei peit ia ka tnad sam bam u James K Sangma la ong ba ka tnad sam bam ka kynduh jigneh ban pyniasoh ia u Aadhar bad ka kard Ration ha kane ka jylla namar ba duna kiba wan sha khmat.
Haba jubab ia ka jingkylli haduh katno ka jylla Meghalaya kala lah ban pyniasoh ia u Aadhar bad ka kard ration, myntri la ong ba ka dang duna bha ha kane ka jylla Meghalaya bad ka tand sam bam ka dang ia pyrshang ban pynsngewthuh ia ki paidbah halor kane.
Ia ka jing pynshai paidbah la leh lyngba ki Deputy Commissioner jong ki District bapher bapher ha ka jylla, hynrei ki briew ki duna bha kiba wan sha khmat ban shim ia u Aadhar lane ban pyniasoh ia u Aadhar bad ka Ration Kard.
La ong ba ha kane ka nongbah Shillong bad kiwei ki jaka ki don ki jaka ba ki paidbah ki lah ban leit shon dur Aadhar, hynrei ki briew kiba leit ki duna bha, lada ki don bun ki briew kiba leit ban shon Aadhar ka sorkar ruh ka kloi ban pynbun ia ki jaka shon Aadhar.
