Shillong, Nailur 24: Kynduh jingeh ki police outpost sha Jaintia Hills ba ai umphniang petrol tang 150 litter shibnai bad la da khein ha ka shibnai ka long tang 5 litter ha ka sngi sngi, kane kala buh jingeh ia ki pulit ban iaid pahara.
Kane ka jingai umphniang duna ka tnad pulit kala buh ia ki police outpost kiba don ha jaintia Hills ha khappud bad Assam ha ka jingeh kaba khraw namar san litter ka umphinag petrol ha ka sngi kin nym dap ia ki pulit ban iaid pahara bad lada don kano kano ka jingeh ruh kim lah ban ia beh.
Haba jubab ia ki jingkylli u Director General ki Pulit ka jylla u Dr. L R Bishnoi la iathuh ba ia mynta la mang ai petrol 150 litter shibnai ia ki police outpost bad na ka liang jong ka tnad pulit mynta kala pynkhreh ban pynkiew sha ka 250 litter ha ka shibnai.
Haba ia dei bad ka jingpyrshang ban ia jingiada ia kane ka nongbah Shillong, u DGP u la iathuh ba ka sorkar kala ai ia ka jingmynjur ban thied 80 tylli ki bike khang ban ialeh ban buh ia ki pulit ban don ha ki dong bad ki jaka ba kham don kam.
