Shillong, Risaw 23: ka seng HYC Riwar Mihngi Circle Pynursla ha poh ka jingialam u President Samla Edmund Khongngai ka la leit ia kynduh ia u Dr. M.R Basaiawmoit ha Office trei ka jong u ha DHMO Lachumiere Shillong , Ha kane ka jingiakynduh jong ka seng ia une u Khlieh duh jong ka Health Department uba peit ia ka East khasi hills halor ka jingbym biang ka jaka sumar kiba don ha ka Shnong Pomtung.
Kane ka PHC ka hap haka C&RD Block Pynursla, kum ban shu kdew ka jingbym biang ha kane ka jaka ai jingsumar kadei namar ba ki Doctor kim ju don la bun bun taiew kaba wanrah ia ka jingeh khamtam ia ki Nongpang kiba wan thiah pang ha kane ka PHC namar ka jingbymdon u Doctor.
Ka seng ka la dawa ruh ban buh noh arngut ki doctor ha kane ka PHC kaba don ka ka Shnong Pongtung, khnang baka jingshakri ia ki paidbah ha kane ka thain war kan ym ktah ia ki paidbah lada ki wan ban sumar ha kane ka PHC. shuh shuh na ka liang ka Seng ka buh ruh ka jingdawa ha khmat une u Heh ka DHMO ba un pynbiang ia ka jing donkam ha ka CHC Pynursla namar hadien katno katne bnai ba ka seng ka la wan jurip ia ka CHC Pynursla na ka jingud palat ki paidbah halor ka jingbymbiang ka umdih bad kumjuh ki Street Light.
ka Seng ka dawa ba kin pynbiang khamtam ia ka UMbam umdih kaba dei kawei na ka jingkhuid jingsuba khamtam eh ha ki jaka sumar namar ka um kadei kawei kaba donkam ban sait ban pynkhuid, kaseng ka la dawa ruh ban buh sa ka wei ka Ambulance.
Ha kane ka CHC namar kumba long mynta ka don tang kawei ka AMbulance kaba wanrah ka jingeh ha kiba bun ki liang. kumta hadien ka jingiakynduh ka seng une u heh ka DHMO u la kular ban shim khia ia kine ki jingdawa jong ka seng da kaba un pyrshang ban leh khamkloi.
