Kynduh ka KJDCDC ia u Conrad ban ia kren bad ka sorkar Assam halor ka jingpan KJDC

Shillong, Nohprah 02: Mynta ka sngi ka kynhun na Assam kaba la tip kum ka “Khasi Jaintia Development Council Demand Committee” kala wan ban ia kynduh ia u myntri rangbah ka jylla Meghalaya u Conrad K Sangma ban kyrpad ia u ban ia kren lem bad ka sorkar Assam halor ka jingdawa jong ki ia ka “Khasi Jaintia Development Committee” hapoh ka jylla Assam.

U bah Sebastian Pakyntein president ka KJDCDC haba kren ha ki lat pathai khubor ha dien ka jingiakynduh ba du myntri rangbah ka jylla u la ong ba ka long kaba sengew tynnad ha kaba u myntri rangbah ka jylla Meghalaya u la ai ka jingkular ba un sa shim khia ia kane ka kam jingkyrpad jong ki.

Ha kane ka jingiakynduh ka seng kala pynsngew sha u Conrad ba un ia kren bad u myntri rangbah ka jylla Assam bad u Chairman ka NEDA u Himanta Biswa Shama na ka bynta ki halor kane ka jingdawa ia ka KJDC hapoh ka jylla Assam.

Ki Khasi kiba shong ha Assam kila dawa ban ioh ia ka  “Khasi Jaintia Development Council” hapoh ka jylla Assam ka long ban ka bynta ban kyntiew ia ki Khasi pnar kiba don ha katei ka jylla khamtam eh ia kiba shong ba shah ha kibynta jong ka Barak Assam.

La iathuh ba ka jingdon ki khasi ha katei ka thian ki long haduh 1.70 lak ngut bad ki shnong kiba don baroh ki long 375 tylli bad kine ki shnong ki don ha baroh ki 15 tylli ki Konstitwensi hapoh barak Vally.

Ia kane ka jingdawa ban ioh ia ka “Khasi Jaintia Development Council” la kular da ka sorkar Congress ha Assam na duh u snem 2015 bad kane ruh la ia ka kren bad ka sorkar pdeng ka tnad ba dei peit ia ki riewlum bad ia kane la dep don ha ka Cabinet Sub-Committee kaba la long ha ka  07th Kyllalyngjot 2015.

Kumba ka long mynta ka sorkar jylla kam shym la leh ei ei halor kane ka bynta haduh mynta bad kane ka jingshah niew ieh ka long naduh ka spah snem kaba 18th haduh mynta ka KJDCDC ka kwah ia u myntri rangbah ka jylla Meghalaya ba un ia kren lem bad u Sarbananda Sonowal ban pynurlong ia kane ka jingdawa ka jong ki ha ka jylla Assam.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet