Shillong, Jymmang 13: Mynta ka sngi ki nongialam jong ki nongrep na ka jylla Utter Pradesh u VM Singh ba dei ruh u MLA barim, ryngkat u Raju Shetti MP barom ka jylla Maharashtra kila ia kynduh ia u Lat jong ka jylla ha Raj Bhavan Shillong bad ha kane ka jingiakynduh kila ia kren ia ki kam kiba ia dei bad ki nongrep.
Ha kane ka jingiakynduh ia u Lat ka jylla la synran lang da u President ka Hills Farmers Union u bah Komander Shangpliang bad u General Secretary ka seng u A. Kharsyntiew. Ha kane ka sngi ka HFU kala pynkhreh ban pynlong ia ka jingialang paidbah hynrei kala slap noh.
Kitei ki nongialam ki nongrep kila wan sha Meghalaya ban ia shim bynta ha ka jingialang jong ki nongrep jong kane ka jylla, hynrei na mar ka jingjur palat jong u slap kala pynthud ia kane ka jingialang mynta ka sngi kaba la buh ban long ha Madan Malki.
