Shillong, Risaw 08: Ka khaii pateng katba dang mih ki sngi kala dang kylla bad kane kala wanrah ruh ia ka jingeh ha kaba ia dei bad ki jaka kiba hap hapoh ka jingpeit jong ki District Council kaba ki bar jylla haba ki trei ia ki kam khaii ki hap ban shim ia ka trading License.
Ka KHADC mynta ka tip ba ka jingiakhii pateng ia kaba la tip kum ka ia die ia thied online kala jur bha ha kane ka nongbah Shillong, hynrei ka jingeh ka long ba ka jaka trei kam jong kine ki nongkhaii kim dei ha Shillong ia kaba kim lah ban leh ei ei wat lada ka jingiadei ia thied ka dei ha Shillong.
Kaba la pynkyndit bynriew ia ka KHADC ka long da ka jingwan kawei ka kompeny iakaba la tipkum ka ‘OYO’ ban ia treilang bad ki Hotel ha kane ka nongbah ha kaba ki nongpyniaid ia ka hotel ki hap ban wah ia ka signboard jong ka kompeny ha Hotel bad kane ka kompeny pat ka phah ia ki nongwan sah.
Ka ophis jong kane ka ‘OYO’ ka dei na Gurgaon na Jan Delhi bad mynta la iohi ba bun tylli ki hotel hapoh kane ka nongbah Shillong kila ia treilang bad kane ka kompeny na ka bynta ban ioh ia ki briew ba kin wan ban sah ha ki hotel kiba don ha kane ka nongbah Shillong.
U bah N A War EM ba dei peit ia ka tnad khaii pateng haba kren ha u SP News Agency u la ong ba ka KHADC mynta ka dang pyrshang ban twad jingmut kumno ban leh ha kaba ia dei bad kane ka jingiakhaii pateng ia kaba la tip kum ka iew ‘online’
