Kynduh u CEM ka KHADC ia u shongknor  ka NC ba peit ia ki riewlum jong ka sorkar pdeng

Shillong, Jymmang 14: U shongknor jong ka National Commission ba dei peit ia ki Riewlum jong ka sorkar pdeng u Hand Kumar Sai mynta ka sngi u la wan sha Shillong ban ia kynduh ia u Chief Executive Member jong ka KHADC u Bah Teinwell Dkhar bad ia baroh ki MDC.

Ha kane ka jingiakynduh ia u shongknor jong ka National Commission jong ka sorkar pdeng ki MDC jong ka KHADC kila ia poi na baroh ar liang, ia ka liang synshar la kam khmat da u CEM jong ka KHADC bad na ka liang pyrshah la lam khmat da u nongialam ka liang pyrshah u Bah Lamphrang Blah. Ha kane ka jingialang u Chairman jong ka KHADC u Bah PN Syiem ruh u la ia don lang.

Ha kane ka jingiakynduh bad u shongknor jong ka NC ba dei peit ia ki riewlum na ka liang jong ka KHADC, kala pynsngew ba kumba ka long mynta ki District Council ki hap hapoh jong ka tnad kam poh iing jong ka sorkar bad ba la pynsngew ba lada long kaba lah ban rah sha ka ministry Tribal Affair ban kham biang ka jingmang pisa na ka sorkar pdeng.

Ha kane ka jingiakynduh na ka liang jong ka KHADC kala pynsngew ruh ha kaba ia dei bad ka jingai is ki sertiphiket  Riewlum “ Schedule Tribes” na dei ban leh noh da ka District Council bad kum juh dei ban ai bor ia ka District Council ha kaba ia dei bad ka khyndew ka shyiap.

Na ka liang jong u shongknor ha dien ba u la sngap ia kane ka jingpynsngew na ki MDC jong ka KHADC, u la kyntu ba kin ai da ka jingthoh khnang ba yn rah sha ka tnad kampoh iing ban ia kren ia kine ki jingpynsngew jong ka KHADC. Ha kane ka jingiakynduh kila don bun ruh kiwei kiwei ki jingiakren ba ia dei bad ki riewlum.

What Next?

Recent Articles

Leave a Reply

Submit Comment

*