Shillong, Naiwieng 05: U Dr Jemino Mawthoh bad riew rangbah na ka shnong Nongrah mynta ka sngi kila leit ban ia kynduh ia u myntri ba dei peit ia ka tnad sam um u Bah Samlin Malangniang ban kylli halor ka “Nongrah Water Supply Scheme bynta ba nyngkong ia kaba la dep ban ioh sangtion T.5.92 klur.
Kane ka Nongrah Water Supply Scheme ka kyntup ia ka shnong, Lummarboh, Nongmarbah, Nongpdeng, Dongktieh bad Nonglum kiba hap hapoh jong ka Nongthymmai Konstitwensi bad kine ki shnong ki don ha pdeng ka jingkyrduh um haduh mynta.
Kumba ka long ia ka Nongrah bad Lapalang ym shym la pynhap hapoh jong ka GSWSS jong ka bynta kaba lai bad ki lah ban shah kyntup ha ka bynta kaba saw. Lada ka bynta kaba lai ka shim por haduh katne lano kata ka bynta kaba saw kan trei kam.
Dei ha ka por jong ka jinglong MLA ka jong u la bud dien ia kane ka skhim sam um bad ha dien ka jingiakren la ioh ia ka jingmang pisa kaba T.5.92 klur tyngka ban pynbiang um ia ki 12000 ngut ki nongshong shnong ia kane ka jingmang pisa la ioh ha u snem 2017.
U Dr Jemino Mawthoh u la ong ba kane ka jingleit ia kynduh ka long ban bud dien ia kane ka skhim haduh ha ei mynta kala poi namar ka jingdon jong ki paidbah ban ioh ia ka umdih ha kitei ki shnong ka long kaba don kam shisha.
Ha kane ka jingiakynduh na ka liang jong umyntri u la iathuh ia ka jingdkoh dei ka jaka ban buh ia ka jaka pynkhuid um, kaba sah mynta ka long sa tang na ka shnong ban ai ia ki kot ki sla ban dup ioh ban sdang noh ia ka jingtrei kaba sah mynt ka long tang iaki kot ki sla kiba ka shnong kan ai sha ka tnad sam um.
