Shillong, Jylliew 11: U Deputy Chief Executive Member jong ka KHADC u bah Pyniaid Sing Syiem lem bad u Bah T. Chyne EM kila ia kynduh ia u myntri khynnah ka sorkar pdeng u Anurag Singh Thakhur ba dei peit ia ka pla pisa.
Na ka liang jong u Deputy CEM jong ka KHADC la pynpaw ia ka jingsngew kmen ban ioh ban ia kynduh ia u myntri khynnah ka sorkar pdeng ha iing shah jong u mynta ka sngi ha nongbah Delhi ha kaba kila ioh ban ia kren ha kaba ia dei bad ka jingdon kam hapoh jong ka KHADC.
Na ka liang jong u myntri khynnah ka sorkar pdeng u la sngap ia ka jingkren jong u Deputy CEM jong ka KHADC, ha kaba la don lang u wei u EM u Bah Chyne, ha kane ka jingiakynduh na ka liang jong u myntri khynnah ka sorkar pdeng u la kular ban iarap ia kaba lah ban ka bynta ka KHADC.
Ha kane ka jingleit sha Delhi na ka liang jong ka KHADC ka long ba ki la leit ban ai ia ka dorkhas sha ka fithteen Finance Commission bad kane ka jingiakynduh ia u myntri ka pla pisa jong ka sorkar pdeng ka dei ka jingpynsngew ha kaba ia dei bad ka jingdon kam jong ka KHADC.
