Shillong, Lber 13: U Myntri Rangbah ka jylla u Cornad Conrad K Sangma mynta ka sngi u la ia kynduh ia u myntri rangbah duh jong ka Ri India u Narendra Modi ha nongbah Delhi, da kane ka jingiakynduh khmih lynti ba ka sorkar pdeng kan dangiai bteng ban kyrshan ia ka jylla Meghalaya ha ka roi ka par.
Ha kane ka sngi u myntri rangbah ka jylla u la ia kynduh ruh ia u myntri kam poh iing ka sorkar pdeng u Amit Shah bad ha kane ka jingiakynduh u myntri rangbah u la pynpaw ia ka jingsngewnguh bala u don lang ha ka sngi ba u shimti ia ka sorkar kaba thymmai ka MDA 2.0 bad khmih lynti ia ka jingkyrshan ka sorkar pdeng.
Ha kane ka jingleit sha Delhi, u myntri rangbah ka jylla u la ia kynduh ruh ia u myntri ba dei peit ia ki riwlum u Arjun Munda, u la ia kynduh ruh ia u myntri ba dei peit ia ka tnad kam dewiong u Joshi Pralhad kitei ki ar ngut ki myntri kila ai ka jingkit bok ia kane ka sorkar MDA 2.0 ha Meghalaya.
Naloe kitei ki myntri la ia kynduh ruh ia u Hardeep Puri myntri ba dei peit ia ka tnad pynroi sor, petroleum bad Natural Gas, ha ka juh ka por la ia kynduh ruh ia u myntri ka tnad ain u Kiren Rijju kane ka jingia kynduh baroh ka long ha nongbah Delhi.
