Shillong, Risaw 25: Mynta ka sngi u mytnri rangbah ka jylla u Conrad K Sangma bad u symbut myntri rangbah ka jylla u Conrad K Sangma ki la leit ban ia kynduh ia u shongknor jong ka National Human Rights Commission (NHRC) ha Delhi u Justice Arun Kumar Mishra.
Ha kane ka jingiakynduh na ka liang jong u myntri rangbah u la batai bniah ia ka jingjia ha shnong Mukroh kaba hapoh ka West Jaintia Hills District ha kaba hynriew ngut ki briew kila duh ei ia la ka jong ka jingim ha ka jingsiat ki pulit ka jylla Assam.
Ha kane ka jingiakren u mytnri rangbah u la kren shai ba kane ka jingjia hapoh ka shnong Mukroh ka dei ka kam kaba la pynkhein ia ka hok long briew manbriew bad kila pynpaw ruh ba kila pan ban phah tohkit ha ki kynhun tohkit ka sorkar pdeng ia katei ka jingjia.
Ha kane ka jingiakren na ka liang jong u myntri rangbah u la kyntu ia ka NHRC ba kan leh ei ei na ka liang jong ki bad ban pynsngewthuh ia ki kynhun pulit ba don ha khappud khnang ba kum kine ki jingjia kin nym jia shuh ha dien ha but, ha ka jingia kynduhia u Justice Arun Kumar Mishra la don lang ruh u Devendra Kumar Singh, Secretary General ka NHRC bad u Rajiv Jain, dkhot ka NHRC.
