Kynmaw burom ka ing dorbar ka KHADC ia u bah HS Shylla kum u nongialam ka jaidbynriew

Shillong, Risaw 27: Ka iing dorbar jong ka KHADC mynta ka sngi kala pynlong ia ka jingkynmaw burom ia wei na ki MDC barim jong ka iing dorbar u bala khlad noh u Bah HS Shylla ba dei ruh u CEM barim jong ka KHADC.

Ha ka jingkren jong u CEM jong ka KHADC u bah Titosstarwell Chyne u la ong ba u bah Shylla bam kwai ha dwar u blei u long shisha u nongialam ym tang ha KHADC hynrei, kum u nongialam jong ka jaidbynriew bad haba u kren u ka pynkhih ia ki paidbah.

La ong ba ha ka jinglong CEM hapoh jong ka KHADC u la wan rah ia ki bills kiba don kam shisha kum ka Clan Bill, Linage Bill, ia kaba la phah sha u Lat jong ka jylla hynrei ia kine kine ki Bill kila wan phai biang.

Ka KHADC ka kwah ban pynurlong ia kaei kaba la maitphang da u ne u riew rangbah, na ka liang jong u CEM u la ong ba ka jingkhlad noh jong u bah H S Shylla ka jingduh kam dei jingduh tang ia u iing ka sem, ka KHADC hynrei wat ia ka jaidbynriew.

Kiwei kiba la kren ha kane ka sngi ban pynpaw ia ka jingsngewsih halor kane jingkhlad jong u bah HS Shylla ki long u bah P N Syiem CEM ba rim, bah Bindo M Lanong, bah R V Lyngdoh bad u bah Victor Ranee, kine baroh kila pynpaw ia ka jingduh kaba khraw da ka jingkhlad jong u bah Deng Shylla.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet