Kynmaw burom ki shipai ia ki riew shlur ba aiti la ka jingim ha ka thma Kargil 1999

Parents of Captain K C Nongrum MVCShillong, Naitung 26: Mynta ka sngi ki shipai kila pynlong ia ka jingkynmaw burom da kaba buh syntiew ha Rhino Heritage Museum, ia ki shipai kiba la aiti iala ka jong ka jingim ban ia da ia ka Ri A ha ka thma Kargil kaba la jia ha u snem 1999 ia kaba la tip kum ka “Operation Vijay”.

Ka phang pdeng jong kane ka jingkynmaw burom ia kane ka thma Kargil, ka long ban ai ka burom kaba kham kyrpang ia u samla na kane ka jylla Meghalaya u Captain Keishing Clifford Nongrum, MVC u ba pynishisha ia kata ka jingshlur ka jong u bad ka mynsiem ban iada iala ka jong ka Ri kaba u la aiti ia la ka jingim namar ka Ri.

Dei lyngba ka jingiakhun dohiap jong u Captain KC NOngrum ba la ioh ban knieh ia ka point 4812 ha Batalik sector na ki bor jong ka Pakistan bad kane ka dei ka pdeng jong ka thma Kargil, da ka jingioh bat ia katei ka jaka, ka Ri India kala jop ha kane ka Operation Vijay pyrshah ia ka Pakistan.

Ia u syntiew la buh da u Lieutenant General Depinder Singh Ahuja, General officer commanding 101 area, ha kane ka sngi la don lang kiwei ki heh shipai ha kaba la don lang ruh ki kmie ki kpa jong u Captain Nongrum, MVC u Peishing Peter Nongrum bad ka kong Saily Nongrum,kmie lem bad kiwei kiwei kiba ha iing.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet