Kynnoh ba khrong pisa ki ki briew  ha Mukhla, ujor ka KJNU ha u myntri kam poh iing

Shillong, Risaw 22: Mynta ka sngi ka seng Khasi Jaintia National Union (KJNU) kala leit ban ai da ka dorkhas sha u myntri kam poh iing ka jylla u bah Lahkmen rymbui bad sha u Director General ki pulit jong ka jylla halor ka jingkynnoh ba kala don ka jingkhrong pisa na ki trok ha surok Jowai bypass ha Mukhla kaba hap hapoh jong ka West Jaintia Hills District.

Ha kren ha ki lat pathai khubor u Bah Nikman N Shadap President ka KJNU ha dien ba la dep ban ai ia ka dorkhas sha u myntri kam poh iing bad sha u DGP, la ong ba kum ka seng kala dep ban ujor da ka ejahar ha u Superintendent ki pulit jong ka West Jaintia Hills ha ka 7/10/2020 hynrei khlem leh ei ei kumta kim ban se ban ujor noh sha ki bor sorkar kiba ha khliehduh.

U bah Niman u la ong ba kane ka jingkhrong pisa ki briew ka long ha Mukhla, Thadlaskein surok Jowai bypass bad kine ki briew ki dei kiba riam paidbah bad ka jingkhrong pisa ka long naduh ki kali Bolero Pickup  ki trok kiba iaid lyngba kane ka surok kaba hap hapoh jong ka Ummulong Plice Beat House.

Ha ka dorkhas kaba ki la ai ka seng kala kdew shai ba kine ki briew kiba riam paidbah ki leh ia kane ka kam khrong pisa ha khmat jong ki pulit ha kaba don ka khyrdop kaba la buh ban iada ia ki jingsniew hynrei katei ka jingjia ka wanrah ia ka jingpynjahburom ia ka tnad pulit baroh kawei.

U tei u nongialam jong ka KJNU la ong ba lada don kam ban peit ia ki kot ki sla jong ki kali kila don ki MVI bad lada ki kit tam ki trok kila don ki jaka thew jong ka DMR, lada ki pulit ki leh lut ia kine baroh la dei ban pynduh noh ia ka kam MVI bad ia ki jaka thew jong ka DMR.

Ha ka dorkhas la thoh ba kane ka jinglum pisa na ki trok kiba iaid ha katei ka surok ka long wat mynsngi mynshai bad kane ka wan rah ka jingjah burom ia ka tnad pulit, na ka liang jong ka seng ka khmih lynti ba ka tand pulit kan leh ei ei halor kane ka kam beain.

What Next?

Recent Articles

One Response to "Kynnoh ba khrong pisa ki ki briew  ha Mukhla, ujor ka KJNU ha u myntri kam poh iing"

Leave a Reply

Submit Comment

*

Where to buy Vidalista Professional 20 Mg (Tadalafil) tablet