Shillong, Lber 11: Haba ioh ban iakren ki katto katne ki nongshong shnong jong ka thaiñ pynursla ki la pynpaw ia ka jingsngewdiaw bad jingsngewsih haba dang step ki mih na la ing na ki shnong ba pher ba pher ban leit Sha bank da ka jingthumu ban pyndep ia ki Kam haba iadei bad Kane ka bank kum ban pyndep ia ka KYC bad kumta ter ter
Shuh shuh ki la ong ba ka jinglehshitom bad ka jingkynsiew jong ki ha Kane ka bank ka la pynlong pynban ka ba ki buh ialade ha ki jingeh namar haba ki leit Ha kane ka ban ioh ia la ka jong ka hok ki hap leit phai thylli pynban. Kane ka la pyndiew bad buh jingeh ka ba khraw ia ki.
La ong ba Kane ka bank ka pdiang ia ki nongwan ban Leh KYC tang 15 ngut ha ka shisngi, Katba ki briew ki ba wan ban ienglaiñ bad wan donkam ban Leh KYC ki palat ia ka 50 ngut.
La ong ba Lada tang na ka bynta ban Leh KYC ki hap ban lud sngi lud nong da ki saw San sngi ka long ka jingeh ka ba khraw. Kane baroh la ong ba ka dei ka na ka daw ka jingleh bymsuidniew ki nongtrei jong Kane ka bank
