Kynnoh ka CORP Eastern Ri Bhoi ba ai skhim u MLA Umroi ia u briew bym don pynthor kba

Ki nongkit kam jong ka CORP Eastern Ri Bhoi.Shillong, Nailar 08: u Bah Garland Forth Kharsyntiew president jong ka Eastern Ri Bhoi u la ong ba u MLA jong ka Umroi Constituency u Bah Ngaitlang Dhar u la ai skhim haduh T.3.45 lak tyngka ia u Bah Banrilang Pyngrope ha kaba ia dei bad ka puthor kba ha u snem 2013-2014.

Haba kren ha ki nongthoh khubor mynta ka sngi ha Shillong Press Club u tei u nongialam jong ka CORP u la ong ba ha ka jingwad jingtip jong ka seng halor u tei u briew ki shem ba une u ba la ioh skhim na u MLA ha kaba ia dei bad ka pynthor kba la lap ba um don pyrthor kba.

Haba ia dei bad ka jingsam ia ki blanket bad ia ki jersy ialehkai, la ong ba shuwa ka election na ka liang jong MLA u la ong ba kane ka jingai ka dei na ka jingai jong u shimet hynrei yn da ki la wad na ka RTI la ong ba ka dor jong kawei ka blanket ka shong dor T.1050 tyngka bad shi set ka jersy ka shong dor T.5000 tyngka.

Kaba la pynlyngoh shuh shuh ia ka CORP ka long ba ka don ka seng hapoh jong ka Constituency ia kaba la jer kyrteng kum ka ’12 Development Organization’ na ka liang jongu Bah Kharsyntiew u la ong ba kim juh ioh sngew ia kata ka seng ha kaba u MLA u theh shibun ka jingiarap sha kane ka seng.

Na ka liang jong ka CORP mynta kan leit ban pan jingpynshai na u tei u MLA bad ha ka juh ka por kin leit sha u paidbah ban san ia ki kot ki sla kiba la ioh lyngba ka RTI bad ai u paidbah un bishar ia kane ka jingleh jong u MLA.

 

What Next?

Recent Articles

Leave a Reply

Submit Comment
*