Shillong, Nohprah 11: Ka seng HYC jong ka Nongthliew Circle kala kynnoh ba ka jingtrei ia ka ia ka top um kaba hynniew klur tyngka kaba dei ha Umthlong ka long kaba torti bad ia kane ka jingkynnoh ka HYC kala pynieng halor ka nongrim jong ka RTI b kala ioh na ka ophis jong u Executive Engineer jong ka Mairang Division.
Haba kren ha ki nonthoh khubor mynta ka sngi ha Shillong Press Club u bah Joplang Kharnaior President HYC Nongthliew Circle u la ong ba ia kane ka Umthlong Water Supply Scheme la pan RTI da u bah Arbut Nongrang na shnong Umliput bad mynta ka sngi kila leit ban jurip ryngkat u Executive Engineer ka Mairang Divison, la don lang u sorkar shnong bad ki rangbah dong.
Ha kane ka jingleit na ka liang jong ka seng kala ring bideo ruh ruh ia kane ka jingtrei ka seng kala kynnoh ba ka jingtrei ia ka tyllong um ban ring sha ka top um kam long kaba biang namar kam shym long kum ba la mang. Na ka liang jong ka HYC kala ong ba ki don jingtrei kiba la dep bad kiba dang sah.
Katkum ka RTI na ka ophis kaba la ioh ia ka jingtrei la lah ban pyndep haduh 48%, hynrei na ka jingpeit jong ka seng ka kynnoh ba ka jingtrei ka dang long tang kumba 25%. Ki tyllong um ban ring um sha kane ka top Um kaba don ha shnong Umthlong ki long na ki ar tylli ki wah, ka Wah Simon bad ka wah Lyngdoh bad ka top um ka don ha shnong Wahlyngdoh.
La ong ba ka seng ka ong ba ka jingshna ia kane ka top um ka long na ka bynta ban sam um ha ka jingiaseng Synod ka bon long ha Umthlong, na ka liang jong ka seng ka kwah ban pyndep ia kane ka jingtrei ha ka rukom kaba paka namar ka synod kan long ha u snem 2019.
Ka pisa kaba la mang na ka bynta kane ka skhim baroh kawei ka long T.7,41,68,000/-tyngka. Na ka liang jong u EE jong ka PHE u la ong ba kin sa sdang biang ia ka jingtrei khamtam ia ki jaka tan um bad ki top um ka jingbym hun ka seng ka long eh ha kaba ia dei bad ka tyllong um.
