Kynnoh ka JAC ba trei kam u Lyngdoh ka hima Sohiong ym katkum ki riti dustur

Shillong, K.Lyngkot 12:  u bah Purning Star Shabong shongknor jong ka Joint Action Committee (JAC) ka hima Sohiong la ong ba kila dep ban ai da ka jingthoh hapoh KHADC naduh ka 1/12/2021 ha kaba kila ai por shiphew sngi ia ka KHADC ban weng ia u Lyngdoh Sohiong u bah Bashemphang Lyngdoh.

Haba kren ha lat pathai khubor u bah Purningstar u la kynnoh ba ka jingdawa ban weng ia u Lyngdoh ka Hima Sohiong ka long halor ki jingleh thurmur ha kaba ia dei bad ki kam hima sima bad ia kine ki jingkynnoh kila ai da ka jingthoh hynrei haduh mynta ka KHADC kam shym la leh ei ei ha kaba ia dei bad kane ka jingdawa jong ka JAC.

Ka jingwan jong ki kum ka JAC mynta ka sngi sha KHADC ka long ba ki khlem ioh kano kano ka jubab na ka KHADC halor kane ka jingdawa ka jong ki, la ong ba ka jingwan jong ki mynta ka sngi sha KHADC ka long ban ia kynduh ia u CEM u bah Titisstarwell Chyne  kumba kila dep ia kren lyngba ka phone hynrei haba ki wan mynta ka sngi um don ha ophis.

U Bah Purningstar la kynnoh ba kane ka dei ka jinglehsting jongu CEM jong ka KHADC u ba dei  u khlieh jong ka Council  bad u EM Elaka u bah Jambor War ban bat sah ia u Lyngdoh Sohiong  ka paw shai ba kim long kiba bit ban long ki nongialam, la kynnoh u shongknor ka JAC Sohiong.

U Bah Purningstar u la kynnoh ba u CEM bad u EM jong ka KHADC kila iohi ia ka jinglong lyngkor  hapoh ka Hima bad lada kim weng ia u Lyngdoh lada ka KHADC ka leh kuman kan poi ka por ba ki paidbah kin shim ia ka ain hala ka jong ka kti bad la don kano kano ka jingjia ka EC u bah Titosstarwell ka dei ban shim ia ka jingkit khlieh.

Ha kane ka jingthoh kaba kila ai sha KHADC kaba kila ioh lyngba ka RTI kila dep ban ai sha KHADC bad ka jingwan jong ki mynta ka sngi sha KHADC ruh ka long ba ki dawan ban ioh ia ka jingshai halor katta ka nongrim ba ka KHADC ka dei ban pynshai.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet