Shillong, Lber 18: Ka seng ki nonghikai ia kaba la tip kum ka Khasi Jaintia Deficit School Teacher’s Association (KJDSTA) kala kynnoh ba ka jingbakla ha ki kot pule jong ki khynnah skul ka dei na ka jingleh thulmur jong ka Meghalaya Board of School Education(MBSOE).
Haba kren ha ki nongthoh khubor u Bah ED Nongsiang Secretary jong ka KJDSTA, u la kynnoh ba ka jingbakla jong ki kot skul kiba thymmai mynta baroh ka dei na ka jingleh thul,ur jong ka MBOSE, u la ong ba imat kam shym don kata ka jingpule bniah ia ki jingtoh shuwa ban ai shon ia ki kot ba sa don bun ki jingbakla ha ka spell dak.
La ong ba baroh ki kot pule na ka bynta ka Klass IX bad Klass X la pynkylla thymmai lut lait noh ia ka Health Education bad ki kot khasi hynrei ia kiwei la pynkylla thymmai, hynrei kaba sngewsih ka long ban iohi ba don bun ki jingbakla, kum ka seng kan sa leit ban ia kynduh ia u Director jong ka tnad pule ban ia kren ia kane ka kam ba ka tnad pule ka dei ban pynbeit kumba ki la leh ha u snem 2008 haba ki nonghikai ki lap ba ka jingkhein ka don ka jingbakla.
Ha kine ki kot thymmai kiba mynta wat la kim pat ioh ban peit bniah hynrei kila lap ba ki don ki jingbakla ha ka kot Economic, ym baroh hynrei ki don ki lynnong, kum ia ka Lyngnong kaba nyngkong kaba dei ia ka Class IX bad ia ka ,lyngnong kaba san jong ka juh ka kot.
Na ka liang jong u Bah Kulet Khongjeerem, u la iathuh ba ka seng kala ioh ia ka jingthoh na ka tnad pule ba iatei ki ar tylli ki lyngnong la pynduh noh ha kaba mynta kin nym shim shuh ha skul. Haba ia dei bad kane ka jingbakla baroh ka jingpynshitom ka dei ban long ia ki nongtrei jong ka MBOSE, ong ka KJDSTA.
Haba ia dei bad ka kot jingkhein kaba ym pat ioh ha iew mynta na ka liang jong ka KJDSTA, kala ong ba leh se ka dor jong kane ka kot kan poi sha ka T.260 tyngka kawei bad kane kala rem sha ba palat bad lada ka long shisha kumne kan long ka jingeh ia ki long iing ban pynbiang ia ki kot khun, haba ia dei ba kane ka MBOSE ka dei ban peit.
