Kynnoh ka KSU ba trei torti ki kontraktor ia ka surok Rangblang-Phlangdiloin

Shillong, Jymmang 16: Ka KSU Umdohlun Circle ka la ban jur bad kynnoh ruh ba dei ka jingtrei Suki bad torti jong ki ar ngut Ki contractors ba trei iaka surok Rangblang,Wahkaji shaduh Phlangdiloin ba kane ka surok mynta ym pat lah ban pyndep bad la shu dep siang tang da ka khyndew ha shilynter Kane ka surok ia kaba la bei tyngka daka Khasi Hills Autonomous District Council  naka T.4.5 klur ba la mang lyngba ka Council.

Ka seng naka por sha ka por ka ju leit ban iakynduh ia u Bah Pynshngain N. Syiem, Chief Executive Member jong ka KHADC halor kane ka bynta bad naka liang jong u CEM u la pynshai ruh sha ka seng ba kane ka T.4.5 klur ka dang dei tang ka jingpynlait pisa na ka bha ba nyngkong jong ka  T.25 Klur kaba ka Council Kala kular ban shna ia kane ka surok bad pynthikna ba kin dang don ruh sa kiwei ki bhah kiba ka Council kan dang bteng ban maramot bad siang rong ia shilynter Kane ka surok.

Ym tang katta,  u CEM u la pynthikna ruh haka seng ba ka T.4.5 Klur kam dei tang ban siang maw ne siang khyndew hynrei ka dei ban siang rong shwa ia ki bynta ba sniew palat ha shilynter Kane ka surok.

Kaei kaba kum ka seng bad ki paitbah ka thain ki lap mynta pat ka paw ba ka don ka jingkhein sting bad leh torti naka liang jong ki ar ngut Ki contractors ba dei ban pyntrei ia kane ka surok Namar haduh mynta ym pat shym la Don Ki bynta ba la dep siang rong hynrei tang ka jingsiang khyndew kaba la pynjyrsieh iaki bynta kane ka surok bad pynthud ruh iaka iaid ka ieng jongki paitbah Khamtam ha kine ki bnai ba la sdang ban hap slap hapoh ka thain.

Ka T.4.5 Klur naka ka bynta kaba nyngkong ba la bei tyngka da Council lada dei ba siang rong,  ka seng ka khmih lynti ba kan lah ban dap la Kumno kumno 8 ne 9 kilometres bad kane kan da ka kham pynsuk shikatdei eh iaki paitbah jong kane ka thain.

Shuh shuh,  ka seng ka maham iaki contractors ba kim dei ban leh torti iaka kam bad Ki dei ban pyndep ruh iaka jingsiang rong bad ban pynsted iaka kam Katba ka mariang ka dang ailad.  La kyntu ruh ia u Project Engineer jong ka KHADC bad ia u CEM ha u dei ban shimkhia halor kane ka bynta bad ban tuklar ruh ba kane ka bhah ba nyngkong  naka Pisa ba la Dep pyllait da ka Council Kan long na ka bynta ka jingmyntoi u paitbah ym ban ailad iaka jingtrei Suki jongki contractors.

Ka seng ka dawa ba iaka bhah ba nyngkong jongka jingsiang rong ia kane ka surok kumba la kular da u CEM dei ban pyndep noh khamkloi khnang ba yn ioh sdang sa iaki bha ki ba bud na bynta ka jingmyntoi ki paitbah ka thain.  Kane ka dei ka kyrwoh ba la phah da u Samla Dusterwell K. Lyngdoh,  Finance Secretary,  KSU Umdohlun Circle

 

What Next?

Recent Articles

Leave a Reply

Submit Comment

*