Kynnoh ka KSU jong ka SWKH ba leh arsap ka sorkar haba ia dei bad ka SWKH District

Shillong, Nailar 11: Ka KSU South West Khasi Hills District ka kwah ban pynshai ba ka jingpyrshah jongngi iaka Administrative Unit ha Ranikor kam dei ba ngi pyrshah iaka roi ka par hynrei ka long halor Ka nongrim ba Kane ka thain Ka la donkam iaka Civil Sub Division. Ka jingai lane ka jing wan plie jong u Mukul Sangma iaka Administrative Unit Ka la dei ka insult ia u paitbah naba la shu wan ai da u mitmit ia u briew ba la donkam ban bam pynkdang da ka ja.

Ka Seng kan nym pynthud iaka jingtreikam katei ka Unit hynrei kan nym shongthait pat ban dawa Civil Sub Division ha katei ka thain. Shuh shuh , ka seng ka pynrem ruh iaka jinglong arsap bad leh shiliang Ka sorkar iaka District namar ba Kumno iaki wei ki C& RD Block lah ban upgrade direct sha ka Civil Sub Division hynrei iaka Ranikor Block pat hap iaid lyngba ka Administrative Unit.

Kane ka dei ka jingkylli ia kaba naka liang jong Ka sorkar bad u Martin M. Dango kum u MLA ka Ranikor Constituency bad Kum u Minister ka Sorkar Jylla ki dei ban jubab. Haba iadei bad ka jingdawa Community and Rural Development Block ha Wahkaji-Umdohlun pat ka seng kan iai bteng ban iai dawa.

Ka KSU ka pynkynmaw ba naka liang jong u Mukul Sangma haki jingiakynduh bad ka Seng naka por sha ka por u ju pynsngew ba u isynei iaka jinglong sahdien jongka thain Wahkaji bad Umdohlun phewse u klet noh pat ban ai iaka C& RD Block ha kane ka thain kaba dei ka mat jongka roi ka pat ba donkam tam jong u paitbah ka tei ka thain kiba hap iaid da ki bun kynta ban poi sha Mawkyrwat ne Ranikor.

Balei ban khohreh ban pynsted tang iaki pre-uranium mining Development Project katba la tap matlah pat ia Ka roi ka par ba ki paitbah ki dei ban ioh Ka sorkar ka dei ban pyni da ki kam mynta ka kynti ban plie daka C& RD Block ha katei ka thain lada ka don shisha kata Ka jingsngewkhia iaki paitbah katei ka thain.

Ka KSU ka kyntu ruh iaki MLA ka thain kata ia u bah Rowell Lyngdoh kum u MLA Mawkyrwat Constituency bad ia u Dango kum u MLA Ranikor Constituency bad u Myntri Sorkar ba ki dei ban pynbor iaka sorkar mynta ka kynti ban weng noh iaka jingeh ki paitbah kane ka thain.

Na ka liang ka seng, ngin sa iashong Pyrkhat biang halor kine ki mat lem bad ki Nongialam shnong jong kine ki thain bad kin ia pyrkhat ruh kaei kaba ki donkam ban leh bad shim iaki sien jam ban iaid shakhmat khnang ban pynthikna ba ki paitbah kin nym Shah lehbein bad leh shiliang haka sorkar, ong u samla Forwardman Nongrem President KSU South West Khasi Hills District.

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet