Kynnoh ka party AAP ba ka MUDA kala thok ban kam ba ki Bus saw ki sniew tang 19 tylli

Shillong, Lber 01:  Ka seng Aam Aadmi Party (AAP) jong ka Meghalaya state Unit kala pynpaw ia ka jingsngew kyndit haba kala ioh ia ka RTI ba kala pan na ka MUDA ban iohi ba haduh mynta ki Bus saw kiba la sniew ki long tang 19 tylli na ka 256 tylli ia kaba la thied ia ki lyngba jong ka skhim Jawaharrlal Nerhru Nattional Urban Renewal Mission, JNNURM ka pisa kaba la bei da ka sorkar pdeng.

U Bah Peter Dohkrut  ha ka khubor kaba u la phah mynta ka sngi, u la ong ba ka long kaei kaei kaba ym lah ban sngewthuh haba ki paidbah ki iohi pyllein ba ki Bus saw jong ka sorkar la bun kiba ieng khoreng ha man ki jaka hynrei na ka jong ka MUDA ka kam ba kila sniew tang 19 tylli, bad kaba kham pynlyngoh ka long ba katkum ka RTI ba kila pan ka MUDA kam shym la kdew ba kin don kita ki kali Maxi Cabs bad wingers.

Na ka liang jong ka AAP ka ong ba ki kali Maxi Cabs bad wingers ki kamai  ha kane ka nongbah Shillong bad ia ki kali kiba la jot ki don ha Jaka iing kali ha pyrshah jong ka state Bank jan Nan Polok, kumno ka lah ban long ba ha ka RTI ba ki pan ka jubab kaba kila ioh ka long ba kine ki kali kim don. Halor kane ka seng ka kynnoh ba kala don ka jingialeh bakla kaba sherkhei.

Ka MUDA kala pynpaw ba ia kine ki Buses la ioh 120 tylli naduh u 26-10-2010 haduh 14-06-2013 bad 136 tylli ki buses naduh 24-08-2015 haduh 07-04-2016.Kaba lyngngoh hangne kalong ba haka RTI ka MUDA ka khlem pyni iaki jingdon jongki Maxi Cabs ne Wingers ki kren beit tangsha phang ki Buses ka pynsuba sniew shisha lada ka sorkar  ka ioh tang ki Buses nangno pat kila ioh iaki Maxi Cabs bad ki Wingers ne kamut ba kila pynkylla maxi cabs ne wingers iaki buses.

Katkum ka MOA s.6(xiii) kala don ka jingiateh baka State Govt. bad ka Urban Local Body MUDA kila dei ban shna ia ki jaka ieng Bus bad ia ka jaka ba kine ki kali kin ieng,Katkum ka MOA ki ki heh sorkar jylla ka jylla kila mynjur ban wanrah ia ka jingkylla ha kaba pyniaid ia kine ki kali, da kaba buh kum ia ka   urban transport, kum ka jingbuh ia ki SPV, Dedicated Urban Transport Fund, advertisement policy, parking, TOD policy bad kiwei kiwei ka seng ka kylli sha ei lut kita ki jah.