Kynnoh ka seng samla Mawlai Nongkwar ba ai NOC u ranbah shnong Marwei

Shillong 17:ka Seng Samla Mawlai Nongkwar kala kynnoh ba u u rangbah Shnong u Bah Rapbor Roi Thangkhiew u la ai NOC marwei ïa ka Mayasheel Retail Ltd, Bazar India  ban plie dukan ha Mawlai Nongkwar khlem ka jingtip ka Dorbar Shnong.

Haba ïakren bad ki nongthoh khubor ha Shillong Press Club ha ka sngi Saitjaiñ, u President ka Seng Samla, u Bah Esakiel S. Mond, u la ong ba dei ha ka 5 tarik mynta u bnai ba ka Seng Samla Mawlai Nongkwar ka la leit  ïa kynduh ïa u EM ba deu peit ia ka khaii pateng u Bah Paul  Lyngdoh,bad  ba ki la ïoh kopi ïa ka NOC ba ai u Rangbah Shnong, kaba pyni ba ïa kane ka NOC  la soi da u Secretary Shnong, Bah S.M Mawïong, ba la ong ba la ai hadien ba la pynlong ïa ka Dorbar Shnong.

U President ka Seng Samla, u la ong ba hadien ba katei ka Kompeni ka la sdang ban plie ïa kane ka dukan ha ka 1 tarik mynta u bnai, ka SSMN hadien ka jingialang ba kyrkieh jong ka EC ka ba la long ha ka 2 tarik mynta u bnai, ka la ai da ka jingthoh sha u Rangbah Shnong ban pan jingshai mano ba la ai NOC bad kiei ki kyndon kiba don ha ka NOC bad kumjuh ruh ka MoU ba la ïasoi ryngkat ka jingdon ki nongtrei ha katei ka dukan.

Na ka liang jong ka seng samla kala ioh ia ka jubab na u rangbah shnong u ba don tang kumba 10 ngut ki nongtrei bar jylla, katba ha ka jingshisha ki don palat 20 ngut bad ym tip hangno ki shong ki sah ruh.

Ka seng samla ka la ai da ka jingthoh sha u Acting Syem ka Hima Mylliem ban pynpaw ba kim don jingshaniah shuh ïa u Bah Rapbor Roi  Thangkhiew kum u rangbah Shnong, namar kine ki kam ba u la leh bad kumjuh ruh la phah jingthoh sha u Dy. CEM ka KHADC ba dei peit ïa ka Elaka. Ha ka 9 tarik mynta u bnai, ka Hima Mylliem la la khot hajir ïa u Rangbah Shnong bad kumjuh ruh ïa ka Seng Samla.

Na ka liang jong ka Hima Mylliem ha ka 13 tarik u Nailar ka la pynmih ïa ka hukum ba la weng noh ia u Bah Rapbor Roi Thangkhiew kum u rangbah shnong bad ha jaka jong u la thung shipor ïa u Bah Maurise Lyngdoh Myrdon kum u Acting Rangbah Shnong.

Ki nongïalam seng samla ki la kyntait ruh ïa ka jingkynnoh ba don ka jingïaleh politik halor kane ka kam. La ong ba baroh ki nongkitkam ka Seng Samla kim ïadon bynta eiei bad ki seng saiñpyrthei.

What Next?

Recent Articles

Leave a Reply

Submit Comment

*