Tura, Lber 21: U Dr Mukul Sangma myntri rangbah ba rim ka jylla u ba dei ruh u kyrtong MP ka seng Congress na ka 2-Tura Parliamentary Konstitwensi, ha ka jingiakynduh jong ki nongkit kam ka seng Congress mynta ka sngi ha Congress Bhavan Tura, u la kynnoh ba ka NPP bad ka BJP kam don jingiapher ei ei.
Haba phai halor ka jingkynnoh jong u myntri rangbah ka jylla u Conrad K Sangma ha kaba ia dei bad ka skhim Agar bad thung siej, na ka liang jong u Dr Mukul myntri rangbah barim ka jylla u la ong ba u myntri rangbah ba mynta I dang hap ban peitbniah bha bad lada ka long ha kane ka rukom ka long kaba sngewsih ban iohi ba ka burom jong ka jylla kan duh.
Haba ia dei bad ki Mawnongrim kiba u la buh ha ka por jong u kum u myntri rangbah ka jylla, kane ka sorkar mynta ki plie ia ki, haba ia dei bad ka ka kam MP, u la ong ba ki paidbah ki dei ban peit na jingwad bniah jong ka Website PRS Legislative aiu ka Agatha ka leh ha ka por ba ka long MP, la kynthoh u Dr Mukul Sangma.
Ha kane ka jingkren jong u ha ka jingialang ha Congress Bhavan Tura, u la ong ba kum u myntri rangbah jong ka jylla ha ka por jong u la leh bun ki kam na ka bynta ka jingmyntoi jong ki paidbah la kam u Dr Mukul u la ong ba lada u jop ha kane ka MP ilekshon kaba mynta un trei na ka bynta ka jingmyntoi jong ki paidbah, la ong u Dr Mukul Sangma.
Haba phai ha ka jingiadei ha pdeng ka BJP bad ka NPP, u la kynnoh ba kila ia leh kumba ki ia shrud hynrei u la kynnoh ba kine ki long kawei namar kumba ka long haduh mynta ka NPP ka dang dei ka bynta jong ka kynhun NDA bad ka BJP ka dei ka kynhun hapoh jong ka sorkar MDA ha kane ka jylla, la kynnoh u Dr Mukul kyrtong MP ka seng Congress.
