Shillong, Naitung 05: U State President jong ka seng National people’s Party (NPP) u Dr W Kharlukhi, u la kyntait ia ka jingtyrwa jong ka party ban shimti kum u Chairman hapoh jong ka sorkar. Na ka liang jong ka seng kaba don ha ka bor sorkar mynta kala dep ban tyrwa ia u ban bat kam hapoh jong ka sorkar.
Na ka liang jong ka seng NPP kaba ia ialam ia ka sorkar MDA mynta kam shym la klet iala u jong u president ban tyrwa kam hapoh jong ka sorkar ban buh ia u kum u Chairman ha kano kano ka bynta hapoh jong ka sorkar kum u presidentjong ka party kaba ialam ia ka sorkar.
Ki thymmei khubor kiba ia jan bad ka seng NPP kila pynsngew ba u Dr W Kharlukhi u la kyntait ia kane ka jingtyrwa jong ka sorkar ban shimti kam hapoh jong ka sorkar. Kane ka jingbym treh jong u ka long ba un pynlait jingmut ha kaba pynkhlain ia ka party hapoh jong ka jylla.
Haba u SP News Agency u la ioh ba ia kren bad u State president jong ka NPP u Dr Kharlukhi, u la ong ba na ka liang jong u u kwah ban trei tang na ka bynta ka party, ki don shibun ki samla kiba lah ban trei ia ka kam kiba don ia ka jingnang jingtip kaba katkum kane ka juk kaba mynta u kwah ban ailad ia ki bad ia lade un trei na ka bynta ka party, la ong u Dr Kharluki.
