Kynthoh u Zenith nongialam ka Cong,ka jingbujli CMD ha MeECL ka long tang ban da rapjot

Shillong, Nailur 16: U Secretary jong ka All India Congress Committee u Zenith M Sangma mynta ka sngi u la kynthoh ba ka jingbujli Chief Managing Director (CMD) hapoh jong ka MeECL ka long tang ban da rapjot.

Haba kren ha ki lat pathai khubor mynta ka sngi ha Congress Bhavan u Zenith u la ong ba u myntri rangbah ka jylla u khlem jubab ia ka jingdawa jong ka party Congress halor ka jingkynnoh ha kaba ia dei bad ka jingpyniaid ia ka MeECL ha ka jylla kaba la wan rah ia ka jingduhnong.

Kaei kaba kane ka sorkar kaba la ialam da ka party NPP, ha dien ba kala mih ha ki lat pathai khubor ia ka jingdawa jong ka party Congress la weng ia ka kong A. Nikhla na ka kam CMD bad la thung pat ia u Arun Kumar Khembhavi IAS bad u la kynnoh ba kane ka jingleh ka long tang ban da rapjot.

U Zenith u la ong ba um don kano kano ka jingpyrshah iano iano ruh hynrei ban pyniaid ia ka kam don kam ia ki briew kiba la don ka jingtbit, baroh shi katta la thung CMD da ki briew ha ka kyrdan Principal Secretary, ka daw ka long ba lada stad katno katno ruh ki briew kiba khlem pat ioh ia ka jinghikai kan shitom haba pyntrei ia ka kam.

U Zenith u la kren shai ba um dei ba ki pyrshah ia u CMD ban mynta, hynrei ka jingeh ka long ba namar ba u la lat ia ka tnad Taxation ka kam kaba khia haduh katta katta kum u Commissioner, nangta hapoh ka tnad mining geology kan long kaba eh ia u ne ka briew ban pynleit jingmut ha ka kam namar kum ki briew don ka jingthiat haba la ban khia ka kakam.

Haba ia dei bad ka jaka pynmih bording hapoh jong ka Umiam Statge III bad stage IV, ka pynkynmaw ba ha kawei kawei ka stage ki don ar tylli ki mashin pynmih bor ding eletrik bad ha kine ki jaka pynmih bor ding eleltrik kawei ka mashim ka duh bad kala sah kumto shisnem bad kane kala wanrah ia ka jingduh kaba khraw.

Ha dien ba ka seng Congress kala kynthoh halor kane ka jingduh ka MeECL khlem da don ka jingpynlut pisa la lah ban maramot ia kine ki kor pynmih bording eleltrik ha Stage III, ha ka jingkylli hato ka sorkar ka leh aiu ha kine ki shisnem kiba la leit noh kaba la wantah ia ka jingduh kaba khraw ia ka MeECL kaba la kot sha ka T.100 klur tam ha ka shisnem.

What Next?

Recent Articles

Leave a Reply

Submit Comment

*