Kyntu ka AJYWO ia ki dorbar shnong, ki Seng Kur ban husiar haba ai syrnot nongshong shnong

Shillong, Risaw 15: Ka AJYWO Central Body, ka kyntu ia ki  Dorbar Shnong ba pher ba pher jong ka Ri Jaiñtia ban long kiba husiar bha ha kaba ai ia ki Residential Certificate khnang ba kiba kum kine ki Jait Certificate ba donkam kin ym poi sha ki kti jong kito ki bym dei hok shisha ban ioh ka.

Ha ka juh  ka por, ka AJYWO, ka kyntu ruh ia ki Seng Kur bapher bapher ha Ri Jaiñtia ban long kiba peitngor bha ha la ki jong ki jong ki Kur khnang ban ym don ki nongwei kiba pyndonkam bakla ia ka Kur ka Jait Khasi-Pnar jong ngi.

Kat kum ka jingioh jingtip jong ka seng, don katto katne ngut ki briew ki bym dei ki na ka Jaidbynriew Khasi-Pnar kiba don ia ka Electoral Photo Identity Card da ka shim ia ka jait lane kur trai ri trai muluk jong ngi. Ka jingioh EPIC jong kiwei pat ki jaibynriew da kaba shim ia Kur lane Jait Khasi-Pnar jong ngi, kane ioh lehse, ka lah ban dei  na ka daw jong ka jingioh Residential Certificate jong ki bad kane kan sa ktah ia ka Jaidbynriew rit paid jong ngi hadien ha bun.

Ki Dorbar Shnong jong ngi, ki don ka bynta kaba khraw bha ha kaban iada ym tang ia ka Shnong lade hynrei ia ka Jaidbynriew lade, namar kata, ka kam ai Residential Certificate, ka dei ruh kawei na ki bynta jong ki lad ki lynti jong ki jingiada ia ka Jaidbynriew jong ngi, ha kaba ki Dorbar Shnong jong ngi ki dei ban long husiar bha ha kaba ai Residential Certificate, khnang ba kane kan ym ktah ia ka Jaidbynriew jong ngi bad ka pateng jong ngi.

Ki Seng Kur jong ngi ruh, ki don ka bynta kaba khraw bha ha kaban iada ym tang ia ka Kur ka Jait lade hynrei wat ia ka Jaidbynriew lade ruh, namar kata, ka jingpeitngor jong ki Seng Kur jong ngi ia la ka jong ka jong ka Kur ka Jait, ka long kawei na ki lad ban iada ym tang ia ka Kur ka Jait Khasi-Par  lade na ka jinglong khuid bad kyntang jong ka hynrei, ka long ruh kum kawei na ki lad jingiada ia la ka Jaidbynriew lade ruh.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet